Günümüzdə artıq mobil telefonlardan sadəcə zəng üçün istifadə etmirik. Telefonlarımızda maillərimiz yoxlayırıq, sosial şəbəkələri izləyirik, xəbərləri oxuyuruq, filmlər izləyirik və s. Artıq telefonlar sadəcə telefon xüsusiyyəti daşımır. Bizim bütün işlərimizi qısa zamanda həll olunmasına yardımçı olan bir vasitədir. Amma bütün bunlarla yanaşı təbii ki, enerji problemi də özünü göstərir. Hətta bəzən elə bir an olur ki, telefon bizə lazım olur, amma enerji az olduğu üçün işimizi görə bilmirik. Batareyaların həcmini artıra bilmərik, amma enerjiyə qənaət etmək üçün bir neçə üsul mövcuddur. Bu yazımızda bu üsullardan bəhs edəcəm.

Cihazda enerji sərfiyyatına ən çox səbəb olan mobil bağlantılardır. WiFi, 3G mobil bağlantı enerjini həddindən artıq çox aparır. Əgər evdə və ya ofisdəsinizsə, o zaman problem yoxdu. Amma gün ərzində telefonu cərəyana taxa biləcəyiniz məkanlarda olmayacasınızsa, o zaman bu bağlantıları söndürün. Sadəcə lazımlı anda istifadə edin.

Telefonun enerjisini azaldan əsas səbəblərdən biri də ekranın parlaqlığının çox olmasıdır. Xüsusilə də, telefonda daha çox vaxt keçirirsinizsə, buna diqqət yetirməlisiniz. Əgər işıq çoxdursa və ekranı görməkdə çətinlik çəkdiyiniz bir yerdə deyilsinizsə, o zaman çox parlaq etməyin. Ekran parlaqlığını azaltmaq enerjiyə böyük ölçüdə təsir edir.