Təqdim olunmuş yeni Beats modelləri haqqında bilməli olduqlarınız
Elm & Texnologiya
07.05.2017
Farid Pardashunas
"Apple” şirkəti yeni Beats qulaqlıqlar seriyasını təqdim edib. Təqdim olunmuş seriyaya 3 yeni qulaqlıq daxil olub.
Seriyaya daxil olan yeni naqilsiz qulaqlıqlar Solo3 Wireless, Powerbeats3
Wireless, BeatsX adlanırlar. Hər üç qulaqlıq W1 mikroprosessoru ilə təchiz
olunmuşdur. Qeyd edək ki, həmin prosessor həmçinin Apple AirPods qulaqlıqlarındada
var. Solo3 Wireless naqilsiz
qatlana bilən qulaqlıqdır. W1 prosessoru vasitəsilə bu model 40 saat
avtonom rejimdə çalışmaq gücünə sahibdir. Qulaqlıqda olan sürətli enerji yığma
funksiyası sayəsində cihaz 5 dəqiqə müddətinə yığdığı enerji hesabına 3 saat
çalışa bilir. Korpusda olan idarəetmə sistemi gələn zəngləri qəbul etməyə,
musiqi axınını idarə etməyə və Siri-dən istifadə etməyə imkan verir.
Powerbeats3
Wireless modeli naqilsiz daxili kanal qulaqlığıdır. Bu modelə gəldikdə istehsalçı
12 saat enerjisiz çalışmaq imkanının olduğunu bildirir. MicroUSB vasitəsilə 5 dəqiqə
müddətinə yığılmış enerji isə 1 saat musiqi dinləməyi təmin edir. Powerbeats3
Wireless əsasən idmançılar üçün nəzərdə tutulub. Belə ki, qulaqlığın dizaynında
olan bərkidici hissələr istifadəçi intensiv məşqlər zamanı qulaqlıqların düşməməsi
üçün nəzərdə tutulub. Bundan əlavə olaraq bu qulaqlıqlar sudan qorunma xüsusiyyətinə
malikdirlər.
BeatsX təqdim olunmuş qulaqlıqlar arasında ən kompaktıdır.
Onlar da naqilsiz daxili kanal qulaqlıq növünə aiddirlər. Lakin bu modeldə
xüsusi bərkidici hissələr və sudan qorunma özəlliyi yoxdur. Tam enerji tutumu
sayəsində BeatsX 8 saat çalışa bilir. Lightning girişi vasitəsilə 5 dəqiqə müddətinə
yığılmış enerji isə 2 saat musiqi dinləməyə şərait yaradır. Beats Solo3 Wireless-i
artıq 300$-a ön sifariş etnək olar. Powerbeats3 Wireless payız fəslinin sonuna
yaxın 200$ qiymətinə satışa çıxacaq. BeatsX-i isə bu payız 150$-a əldə etmək
mümkün olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək