Tesla şirkəti pikap istehsal edəcək

Tesla şirkəti pikap istehsal edəcək. Xeyr bu zarafat deyil. Amerikan şirkətinin bu barədə həqiqətən də planları var. Hər-halda alman nəşriyyatı olan Auto Bild-in jurnalistlərinin aldıqları məlumatlara inansaq Tesla şirkəti Ford F-150 və Chevrolet Silverado modellərinə rəqib istehsal etməyi planlaşdırır. Kuzovun bu növünün seçilməsinin isə çox sadə açıqlaması var. Məsələ burasındadır ki, ABŞ bazarında pikaplar çox məşhurdurlar. Məsələn son illər ərzində ABŞ-da ən çox satılan avtomobillər Ford F-Series, Chevrolet Silverado və RAM modelləridir. Tesla isə öz satışlarını artırmaq üçün bu bazara daxil olmaq istəyir. Təbii ki, Tesla-nın hazırlayacağı pikap standart pikaplardan fərqlənəcək. Birincisi tam yeni dizayn ilə. İkincisi avtomobilin nəzərdə tutulduğu auditoriya ilə. Yeni model həmişə olduğu kimi fermerlər üçün deyil, həkimlər, vəkillər və s. üçün nəzərdə tutulacaq. Üçüncüsü isə hər bir Tesla avtomobili kimi yeni pikap da elektriklə çalışacaq. Onun hazırlanmasında isə bir neçə müddət bundan öncə təqdim olunmuş Tesla Model 3-üç platformasından istifadə olunacaq. Pikap modelinin 2018-ci ildə təqdim olunması gözlənilir.