Titanic-ə səyahət.

08.05.2017 PAYLAŞIM

TECHNOTE @technote TECHNOTE logo icon

1987-ci ildə National Geographic telekanalında Titanic haqqında sənədli filmə baxan rejissor James Cameron məşhur gəmi haqqında film çəkmək fikrinə düşdü. 1994-cü ildə o filmin ssenarisini yazaraq 20th Century Fox studiyasına müraciət edi. Studiya ona ilk xərclərə görə 3 milyon dollar vəsait ayırdı. Titanic gəmisi ilə yaxından tanış olmaq üçün James Cameron 12 dəfə batiskaf vasitəsi ilə Titanic-in batdığı yerə endi. Beləliklə filmin çəkilişlərinə 16 Sentyabr 1996-cı ildə start verildi. Filmin ilk büdcəsi 110 milyon dollar təşkil edirdi. Çəkilişlər üçün böyük hovuzda Titanic-in maketi düzəldilmişdi. Həmin maketin uzunluğu 231 metr idi. Filmin çəkilişləri 7 ay davam edərək 23 Mart 1997-ci il tarixində başa çatdı. Titanic-in büdcəsi artıq 200 milyon dollar təşkil edərək o vaxtın ən baha başa gələn filmi hesab edilirdi. 19 Dekabr 1997-ci il tarixində Titanic filminin premyerası baş tutdu. Bütün dünya üzrə 1.8 milyard dollardan çox gəlir gətirən Titanic filmi dünya kinematoqrafının ən gəlirli filmi adına laiq görülmüşdür. Film bu nəaliyyəti düz 12 il özündə saxlamışdır. Lakin sonradan James Cameron-un çəkdiyi Avatar filmi ən gəlirli film siyahısında Titanic-i ikinci pilləyə endirərək birinci yeri tutmuşdur. 1998-ci ildə Titanic filmi Oscar mükafatının 14 nominasiyasına namizəd olaraq 11 nominasiyada qalib gəldi. Onların arasında "Ilin ən yaxşı filmi" də var idi. 5 Aprel 2012-ci il tarixində Titanic gəmisi ilə baş vermiş faciəvi hadisənin 100 illiyi şərəfinə film 3D və IMAX 3D formatlarında yenidən kinoteatrlarda nümayiş olunmuşdur.