Windows-un alternativləri olduğu halda niyə bu qədər populyardır? Microsoft haqda hər şey
Elm & Texnologiya
07.05.2017
Farid Pardashunas
"Microsoft"un məhsulları demək olar ki, hər birimizin evində yer almaqdadır. Buna ən sadə misal kompüterlərimizdə yer alan əməliyyat sistemi Windows-u misal göstərmək olar. Maraqlıdır bu şirkət haqda nə qədər məlumata sahibik. Niyə digər əməliyyat sistemləri olduğu halda Windows daha çox üstünlük təşkil edir.
Gəlin ilk əvvəl şirkətlə yaxından tanış olaq.
Niyə "Microsoft"?
Microsoft sözü iki sözün birləşməsindən əmələ
gəlib: "microcomputer” və "software”. İlk dəfə "Microsoft” adını Bill Gates
Paul Ellen-ə yazdığı məktubda qeyd etmişdi. İlk olaraq 1976-da Yeni Meksikadaqurulan şirkət, daha sonra 1986-da Vaşinqton-Redmonda köçürülüb.
"Microsoft"un açılış səsini Brian Eno bəstələyib.
Bu haqda ona sual verildikdə bunun çox gülməli və əyləncəli bir təcrübə
olduğunu bildirib. Həmçinin Microsoft reklam kompaniyalarının birində Rolling
Stones-un "Start me up” musiqisini istifadə edib. Nə deyək adamlar istifadəçiyə
necə təsir etməyi bacarırlar.
"Microsoft"un favorit yeməyi Pizzadır
Şirkətin kampusunda 35 kafeterya yer alır və
hər il 23 milyon pulsuz içki istifadə olunur. Bu içkilər arasında
portağal suyu və süd üstünlük təşkil edir. Pulsuz içkilər çoxluq təşkil etsə də
ən çox istifadə olunan yemək Pizzadır.
"Microsoft"da kişi hegemonluğu
"Microsoft" işçiləri arasında "Softie” olaraq
işləyənlərin yaş ortalaması 38 və qazandığı məbləğ 106.000$ təşkil edir. Hal-hazırda şirkətdə
88.180 nəfər işləyir. Bunlardan 50.000-i Amerikada yaşayır və amerikalı işçilərin 76%-i kişilərdir.
"Microsoft" öz yaş gününü M&Ms-lə qeyd edir
Hər
bir şirkətin özünəməxsus kiçik ənənələri mövcuddur. "Microsoft" işçiləri də şirkətin
yubileyini M&Ms-lərlə qeyd edirlər.
"Microsoft"un hissələri 9 dəfə bölünüb
"Microsoft" təqdim olunduğu ildən bu vaxtadək hissələri 9 dəfə bölünüb. Şirkətin hissələrinin
çox bölünməsinin səbəbi hissə paylarının çox yüksəlməsi olub. "Microsoft"un ilk
təqdim olunduğu vaxt hissə dəyəri 21$ olduğu halda hal-hazırkı dəyəri 23$ təşkil
edir. Şirkətin hissələri bölünməsəydi hal-hazırkı dəyəri 6000$-dan çox olardı.
"Microsoft" sənətə böyük dəyər verir
Şirkət
özü texnologiya və innovativ yeniliklər təqdim etsə də digər sənət növlərinə də
hörmətlə yanaşır. Belə ki, "Microsoft" 5000-dən çox sənət əsərinə sahib olan ən
böyük təşkilati sənət əsəri kolleksiyaçısı hesab olunur.
"Microsoft" 10.000-dən çox patentə sahibdir
Hal-hazırda
10.000-dən çox patentə sahib olan şirkət hər il 3000 yeni patent üçün müraciət
edir. 5000 patent oyunçuların Xbox 360 oyunlarını canlı izləməsi üçün lazım olan
texnologiyaya aiddir.
İndi
isə keçək mövzunun ən maraqlı hissəsinə. Maraqlıdır niyə "Microsoft" bu qədər
qlobal xarakter daşıyır? Niyə Windows ən çox hack olunan əməliyyat sistemi
olmasına baxmayaraq, onun alternativlərinə maraq bu qədər azdır? Niyə texnologiya
aləmində ən yaxşı proqramçılara sahib "Microsoft", pirat Windows sistemini ortadan qaldıracaq proqram
yaza bilmir yaxud etmək istəmir?
Cavab
çox sadədir:
İnsanlar
evlərində Windows-u pulsuz istifadə edə bilməsələr onda alternativ olan Linux-a
keçid edə bilərlər. Bu halda Windows hal-hazırki hegemonluğunu itirə bilər.
İnsanlar alternativləri istifadə etməyə başlasalar, onda bir çox firmalar öz
proqramlarını Linux-a uyğun şəkildə proqramlaşdıracaqdır. Belə olan halda "Microsoft" şirkətlərə Windows satması çətinləşir. İnsanların vərdiş halına gətirdikləri
şeylər onlar üçün daha asan olduğundan hər yerdə onu axtarırlar. Bunu nəzərə
alan "Microsoft" evlərdə piratlara göz yumsa da şirkətlərdən yaxşı pullar qazana
bilir.
Aranızda
gələcəkdə "Microsoft" kimi möhtəşəm şirkətdə işləmək istəyən varsa aşağıdakı
videonu izləyərək müəyyən məlumat sahibi ola bilər.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)