main-post-cover

    Yeməkləri internet üzərindən sifariş etməyin 5 üstün cəhəti

    Elm & Texnologiya
    07.05.2017
    Farid Pardashunas
    Hər keçən gün dünyada yemək sifarişi servisləri məşhurlaşır. Söhbət hal-hazırda pizza və suşilərdən getmir. Söhbət internet vasitəsilə sifarişi mümkün olan adi qida məhsullarından gedir. Bazardan və ya supermarketlərdən məhsulları almağa öyrəşmiş insan üçün bu servislər israfçılıq kimi görünə bilər. Bununla yanaşı bu servislərdən istifadə edərək kassa önündəki uzun növbələrdən və külli miqdarda səbətlərdən qurtulmuş insanlar onlayn qida məhsulu sifarişi servisləri haqqında müsbət düşünürlər. Beləliklə sizlərə qida məhsullarının internet üzərindən sifariş etməyin 5 üstün cəhətini təqdim edirik.
    1. Zaman dəyərli resursdur
    Biz, zamanın dəyərli resurs olduğunu düşünməyə öyrəşmişik. Lakin çox zaman bu düşüncəni ciddiyə almırıq. Təbii ki, hər bir insan öz zamanını necə keçirdəcəyinə özü qərar verir. Beləliklə supermarketdə keçirilmiş yarım saat vaxt böyük bir itki kimi görünmür. Lakin siz mütəmadi olaraq supermarketdən alış-veriş edirsinizsə həftəlik olaraq supermarketdə çox zaman keçirdirsiniz. Həftədə bir neçə saat ayda 8 saat edir. Digər sözlərlə desək hər ay siz supermarketlərdə bütün bir iş gününü itirirsiniz. Bu isə artıq böyük bir itki kimi görünür. Elə deyilmi?
    2. Qənaət və alış-verişə nəzarət
    İnternet üzərindən yemək sifariş verən şəxs servisə onun göstərdiyi xidmətə görə müəyyən dərəcədə pul ödəməlidir. Məhz buna görə bir çoxları düşünür ki, ən yaxşısı reallıqda edilmiş alış-verişdir. Lakin supermarketdə sizin daha az xərcləmə zəmanətiniz də yoxdur. Tədqiqatlar sübut edir ki, ac alıcı tox alıcıdan daha çox vəsait xərcləyir. Bu isə o deməkdir ki, işdən sonra supermarketə baş çəkmiş şəxs ona əslində lazım olmayan məhsulları almaqda böyük riskə girir. İnternetdə isə bu cür səhvləri etmək çətindir. Hansısa saytda sağlam qida sifariş verən zaman siz sağlam qida ilə təmin olunursunuz. Qalan heç bir məhsul isə öz çəkici görünüşü və qoxusu ilə sizi cəlb etmir.
    3. Sağlamlıq üçün xeyir
    Çantaların və ya zənbillərin daşınması çox zaman insanların sağlamlıqlarına mənfi təsir göstərir. Bəli siz özünüz də bilirsiniz ki, əlinizdə ağır yük olan zaman ani hərəkətlər nəticəsində beldə və oynaqlarda müxtəlif problemlər yarana bilər. Əgər ağırlıq qaldırma sizin güclü xüsusiyyətlərinizdən biri deyilsə onda internet üzərindən yemək və ya qida məhsulu sifarişi sizin sağlamlığınızı təmənnasız olaraq qoruyacaq.
    4. Sürətli və əlçatan
    Bir çox servislər, çatdırılmanı 1-2 saat ərzində yerinə yetirirlər. İlk baxışdan bu göstərici heçdə sürətli görünməyə bilər. Lakin siz işdə və ya nəqliyyatda olan zaman məhsulları ön sifariş etsəz onda evə gəldiyinizdan qısa bir müddət sonra həmin məhsullar sizə çatdırılacaq. Nəticədə sifariş üçün sizdən tələb olunan sadəcə internetə çıxışı olan smartfonun olmasıdır.
    5. Sakitlik və dinclik
    Sıra növbəsi bəlkədə müasir cəmiyyətdə ən iyrənc bir xüsusiyyətlərdən biridir. Burda söhbət heç itirilmiş zamandan belə getmir. Sıra növbəsində gözləyən zaman digər insanlar tərəfindən itələnmək, darıxmaq və ya arxadakı insanın tənəffüsü böyük şəhər sakinlərinin yaşadıqları kəskin psixoloji işgəncədir. İnternet üzərindən sifariş isə bütün bu problemlərdən azad olmağa imkan verir. Həmçinin onlayn servislər vasitəsilə sifariş, bizləri supermarketdə baş verən dəyişikliklərdən da azad edir. Məsələn bugün siz hansısa məhsulu alırsınız, sabahısı gün isə həmin məhsulu almaq istəyən zaman görürsünüz ki, məhsulun satıldığı yer tamamilə dəyişilib. Bu zaman siz həmin məhsulu axtarmaq üçün bəlkədə bütün mağazanı gəzirsiniz. İnternet vasitəsilə edilən qida sifarişi stress və xaosla dolu həyatımızı biraz da olsun rahatlaşdırır.
    Linki kopyala

    Bənzər xəbərlər

    Oxşar xəbərlər
    © 2015-2023 Technote MMC