YÜKSƏKLİK - Azərbaycanın ilk Virtual Reallıq oyunu
Digər
07.05.2017
Farid Pardashunas
Azərbaycanda fəaliyyətə başlayan ilk Virtual Reallıq oyunu olan "YÜKSƏKLİK” standart oyunlardan fərqli olaraq oyunçuya tamamı ilə oyuna daxil olaraq, həyəcanı son zərrəsinə qədər hiss etməyə imkan yaradır.
Oyun Fərid Yusifoğlu və komandası tərəfindən hazırlanıb. Məqsəd Virtual Reallıq oyun bazarını Azərbaycanda tanıtmaq və inkişaf etdirməkdir.
Oyunun məzmunu və qaydaları: Oyun döyüş-atraksiyon xarakterlidir. Oyun zamanı oyunçu səngərə daxil olur və pulemyot vasitəsi ilə düşmənlərinin əks hücumlarına cavab verir. Oyunçu üçün özəl hazırlanmış stenddə yerləşən pulemyot vasitəsi ilə atəşlər həm VR, həm də real olaraq idarə olunur. Oyunun başlanğıcında oyunçu 5 qumbara, 100 güllə ilə təmin olunur və oyunda performasına əsasən davamlı olaraq güllələrin, canların sayı artıb-azalır, hər dalğa keçidi zamanı oyun daha da gərginləşməyə başlayır, şərtlər dəyişir, xallar hesablanılır, rütbələr verilir və reytinq cədvəlində iştirakçı adları ilə birlikdə nəticələr qeyd olunur. Bu göstəricilərə əsasən iştirakçılarımızla davamlı olaraq müxtəlif tipli viktorinalar, müsabiqələr həyata keçirilir.
Qeyd edək ki, monotonluğu sevmədiyimizdən gələcəkdə oyunda müxtəlif dəyişikliklər etməyi nəzərdə tuturuq. Oyunda istifadə olunan 3D dizayn, proqramlaşdırma, səs effektləri və digər detallar yerli mütəxəssislərimiz tərəfindən həyata keçirilib. Yəni oyun tamamı ilə yerli məhsuldur! Oyun yaradıcılarının verdiyi məlumata əsasən, irəlidə oyuna yeni silahlar, döyüş səhnələri, düşmən növləri və çətin etapların yerləşdirilməsi də planlaşdırılır. Hələlik isə gəlin oyunun demo vesiyası ilə tanış olaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)