Asus ZenFone 3 Ultra rəsmi olaraq tədqim olundu
Elm & Texnologiya
07.05.2017
Farid Pardashunas
ZenFone ağıllı telefon ailəsi ilə böyük uğur əldə edən Asus, Computex 2016 tədbirində ailənin 3. nəsil nümayəndələri "ZenFone 3, ZenFone 3 Deluxe və ZenFone 3 Ultra'nı" təqdim etdi.
Asus ZenFone 3 Ultra modelinə nəzər saldıqda isə digər modellərə görə daha böyük cihaz qarşımıza çıxır. Belə ki, cihazda 6.8 düym ölçüsündə böyük ekrandan istifadə olunub. Phablet kateqoriyasında olan bu cihaz böyük ekran sevənlər üçün ideal seçim ola bilər. Ekran Full HD keyfiyyətə malikdir.
Texniki göstəricilərinə baxdıqda, digər 2 modeldən çox geri qalmayan ZenFone 3 Ultra, gücünü Snapdragon 652 prosessordan alır. Cihazda 4GB RAM və 64GB yaddaş quraşdırılıb. Bu da performans istəyənlər üçün ideal sayıla bilər. Kamera cəhətdən də digər modellərdən geri qalmayan cihaz, 23MP arxa və 8MP ön kameraya sahibdir. Kamera həmçinin lazer avtofokus xüsusiyyətinə də malikdir. Batareyasında nəzər saldıqda görürük ki, 4,600 mAh həcmli batareya quraşdırılıb. Bu da belə böyük ekranlı cihaz üçün uzun müddətli iş rejimi vəd edir. Bundan başqa cihaz DTS dəstəkli, cüt sim kart dəstəyi ilə gəlir. MicroSD kart vasitəsilə yaddaşı artırıla bilən cihaz, barmaq izi sensoruna da malikdir.
Qiymətinə gəldikdə isə, cihazın qiyməti Computex tədbirində qlobal olaraq 479 dollar müəyyən olunub.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ