Hackerlərin kiberhücumlarını təyin etmək üçün süni zəka alqoritmi yaradılıb

Hackerlərin kiberhücumlarını təyin etmək üçün süni zəka alqoritmi yaradılıb

Code-News
09.10.2019 PAYLAŞIM

    ABŞ-dan olan tərtibatçılar tərəfindən yaradılmış yeni alqoritm marşrutizatorların dinamik protokollarını analiz edəndən sonra hackerlərin imzalarını və onları legitim şəbəkələrdən fərqləndirən özəllikləri təyin etməyi bacarıb. Bu barədə MIT News saytı xəbər verib. IP ünvanların hack olunması məşhur kibercinayətlərdən biridir. Bu, bir neçə səbəbə görə edilir. Spamların və virusların yayılmasından tutmuş bitcoinlərin oğurlanmasına kimi. Təkcə 2017-ci ildə bu cür kiberhücumlardan marşrut domenlərinin 10%-i zərər çəkmişdi.

    Adətən IP ünvanın ələ keçirilməsinin qarşısını almaq üçün nəzərdə tutulmuş tədbirlər məhz kiberhücumun reallaşdırıldığı an həyata keçirilir. Lakin bu hadisələri öncədən proqnozlaşdırıb və kiberhücumu reallaşdıran hackerlərin yerlərini təyin etmək imkanı olsaydı? Məhz bu ideya ABŞ-dan olan tərtibatçıların yaratdıqları machine learning sisteminin təməlində dayanıb. Mütəmadi şəkildə kiberhücumlar reallaşdıran hackerlərin özəlliklərini analiz etməklə tərtibatçılar öz sistemlərinə təqribi olaraq 800-ə yaxın şübhəli şəbəkənin təyin olunmasını öyrədiblər.

    Həmin sistem aşkar edib ki, həmin şəbəkələrdəki IP ünvanlardan bəziləri hələ bir neçə il bundan öncə hack olunub. Müxtəlif şəbəkə nöqtələri arasında məlumat ötürülməsi üçün dinamik marşrutizator protokolundan (BGP) istifadə olunur. Lakin onun iki əsas mənfi cəhəti var: Marşrutların autentifikasiyası və mənbənin baza verifikasiyası yoxdur. Bu isə öz növbəsində BGP-nı kiberhücumlar üçün açıq edir. Keçmiş kiberhücumlar barəsində məlumatları alqoritmə təqdim etməklə tərtibatçılar sistemə əsas özəllikləri təyin etməyə yardımçı olublar.

    Məsələn aktivliyin sürətli dəyişimi və ya ünvanların çoxlu sayda bloklanması. Adətən legitim şəbəkələrdən fərqli olaraq hackerlərin bloklayıcıları tez bir zamanda yoxa çıxırlar. Bununla yanaşı hackerlər çox zaman digər ölkələrdə qeydiyyatda olan şəbəkələr üzrə kiberhücumları reallaşdırırlar. Tərtibatçılar tərəfindən yaradılmış bu alqoritm kibercinayətlərə qarşı tədbirlərin görülməsinin avtomatlaşdırılması və hacker hücumlarının profilaktikası yolunda ilk addımdır.



SİZƏ MARAQLI OLACAQ BİR NEÇƏ MƏLUMAT


Siri'dəki sistem boşluğu macOS'dəki Apple Mail'də olan şifrələnmiş məktubları ox..

Apple məhsullarının problemləri üzrə fəaliyyət göstərən informasiya təhlükəsizliyi mütəxəssisi Bob G..


Python GitHub layihələri arasında Java'dan daha məşhur olub

Məşhur GitHub servisi 2019-cu il üzrə statistika analizinin hesabatını təqdim edib.


GitLab Çindən və Rusiyadan olan mütəxəssisləri işə götürməkdən qorxur..

GitLab-da Çindən və Rusiyadan olan mütəxəssislərin işə götürülməsinə qadağa qoyulması məsələsi müzak..


Chrome'da ciddi 0-day boşluğu aradan qaldırılıb

Google mühəndisləri heç gözlənilmədən Windows, Mac və Linux üçün Chrome brauzerinin Chrome 78.0.3904..


Python'un vacib versiyalarının təqdim olunma müddətlərində dəyişiklik edilib..

Python proqramlaşdırma dilinin tərtibatçıları sözügedən dilin vacib versiyalarının yeni təqdim olunm..


PHP 7-də PHP dəstəkli veb və nginx serverlər üçün təhlükə mənbəyi olan sistem bo..

Wallarm adlı şirkətin mütəxəssisləri PHP-nin yeni budağı olan PHP 7-nin tərkibində olan RCE boşluğun..