İstifadəçi şifrələrinin etibarlığını yoxlamaq üçün yaradılmış strong_password paketində zərərli kod aşkar edilib. Bu cür üsulla “yenilənmiş” kitabxana özünün test rejimində işlədilib-işlədilməyini yoxlayırdı. Əgər işlədilirdisə o, Pastebin.com-a backdoor yerləşdirirdi. Bu barədə Xakep.ru saytı xəbər verib. Aktivləşəndən sonra sözügedən backdoor smiley.zzz.com[.]ua resursu ilə əlaqə yaradırdı və növbəti təlimatları gözləyirdi. Həmin təlimatlar isə cookie faylları formasında əldə olunurdu. Öz növbəsində backdoor həmin cookie faylları eval (execute) vasitəsilə açaraq və yerinə yetirərək əldə edirdi.

    Nəticədə kiberhücumu reallaşdıran şəxslər yoluxmuş kitabxanaya sahib tətbiqin daxilində ixtiyari kodu yerinə yetirmək imkanına sahib olurdular. Bu problemi ilk aşkar edən isə Tute Costa adlı tərtibatçı olub. O bu problemi standart auditin keçirilməsi və öz tətbiqinin asılıqlarını yoxlaması nəticəsində aşkar edib. Baş vermiş problemin həll yolunu tapmaq üçün Costa kitabxananın tərtibatçıları ilə əlaqə saxlamaq istəyən zaman aşkar edib ki, hacker RubyGems repozitoriyasında strong_password-un əsl müəllifini özü ilə əvəz edib və paketin yeni versiyasını təqdim edib.

    Strong_password-a zərərli kod keçən ayın 25-də işıq üzü görmüş 0.0.7 versiyası ilə yerləşdirlib. RubyGems statistikasına əsasən həmin versiyanı 537 istifadəçi yükləyib. Məlumatda qeyd olunub ki, kiberhücumu reallaşdırmış şəxs tərəfindən edilmiş dəyişikliklər layihənin GitHub repozitoriyasına təsir etməyib. Belə ki, yalnız RubyGems-də dəyişikliklər edilmişdi. Strong-password-un təhlükəli versiyası RubyGems-in təhlükəsizlik komandası tərəfindən silinib. Bütün zərərçəkmiş istifadəçilərə isə dərhal 0.0.6 versiyasına geri qayıtmaq və öz layihələrinin auditini keçirtmək məsləhət görülür.