main-post-cover

    Windows 10-u artıq bulud servis vasitəsilə kompüterə quraşdırmaq olar

    Digər
    Code-News
    02.09.2019
    Emil Nəcəfov
        Windows 10 Insider Preview Build 18970-də yeni funksiya aşkar edilib. Həmin funksiya Windows əməliyyat sisteminin kompüterə yenidən quraşdırılması prosesini daha da sadələşdirəcək. Bu barədə Gagadget saytı xəbər verib. Bundan sonra istifadəçilərə Windows-un diskdə və ya flash kartda yerləşdirilmiş lokal verisyası lazım olacaq.
        Belə ki, istifadəçilər əməliyyat sistemini öz kompüterlərinə şəbəkə vasitəsilə bulud servisdən yükləyə biləcəklər. Lakin burda bir neçə nüans var. Əməliyyat sisteminin bulud servisdən yenidən yüklənməsi zamanı istifadəçinin kompüterdə quraşdırdığı bütün tətbiqlər silinəcək. Əməliyyat sisteminin bulud servis vasitəsilə kompüterə quraşdırılması zamanı “Hər şeyi silmək” bəndindən işarəni yığışdırmayan zaman isə kompüterdə olan hər bir şey silinəcək.
        Bundan əlavə olaraq bulud servisdən ilk öncə 2.86 GB həcmində əlavə quraşdırıcı faylları yükləmək lazımdır. Bunun üçün isə kəsintisiz internet qoşulması lazımdır. Bütün bunları edəndən sonra istifadəçinin kompüterinə yenidən quraşdırmadan öncə istifadə etmiş olduğu Windows versiyası yazılacaq. Bu yeni funksiya hələki əməliyyat sisteminin Insider Preview versiyasında aktivdir. Bir müddətdən sonra isə o hamı üçün aktiv ediləcək.
    Linki kopyala