Soyadını açıqlamaq istəməyən, lakin adının Patricia olduğu bildirilən qadın uzun illərdir ki, hava yolu ilə səyahət edir. Görünən odur ki, American Airlines sistemi insanın 1922-ci ildə anadan olması faktını tanımır və böyüklər üçün bilet almasına baxmayaraq, Patricia-nı 1 yaşlı körpə kimi görür. 

      Yaşlı qadının sözlərinə əsasən, əvvəllər körpə ilə səhv salındığına görə onun üçün hava limanından transfer maşını təşkil olunmayıb, çünki işçilər onu “qucaqda daşınacaq körpə” kimi qeydə alıblar. Keçmiş tibb bacısı Patricia deyir ki, o, 97 yaşına qədər tək səyahət edib, lakin indi gözlərindəki problemlər səbəbindən qızı ilə səyahət edir. Aviaşirkətin sistemləri isə hələ də 100 yaşdan yuxarı bir insanın ola biləcəyinə inana bilmir və qadının doğum ilini 2022-ci il olaraq görməyə davam edir.