15.000 alim qlobal ekoloji fəlakət haqqında xəbərdarlıq etdi
İqlim dəyişikliyi, meşələrin kəsilməsi, suyun çirklənməsi, bir çox heyvan növünün yox olması və insan əhalisinin sayının artması Yer kürəsinə öz mənfi özəlliklərini göstərə bilər.
Bu cür fikrə 184 ölkədən olan 15.000
alim sahibdir. Onlar BioScience jurnalında əks olunmuş xəbərdarlığı
imzalayıblar. Bu barədə Phys.org saytı xəbər verib. Həmin məqalənin müəllifləri
Oreqon Universitetinin nüfuzlu professoru William Ripple-ın rəhbərliyi altında
olan beynəlxalq alimlər komandasıdır. Həmin məqalənin ərsəyə gəlməsi üçün dövlət
agentliklərinin, qeyri-kommersiya təşkilatlarının, individual tədqiqatların
materiallarından istifadə olunmuşdur.
Həmin materiallar sübut edir ki, bizim
planetimizi qarşısı alınmayacaq təhlükə gözləyir. Sözügedən məqalə “Dünya alimlərinin
insanlığına olan ikinci xəbərdarlığı” başlığı ilə dərc olunub. Bu cür ilk məqalə
hələ 1992-ci ildə dərc olunmuşdu və 1700 mütəxəssis tərəfindən imzalanmışdı. Bu
25 il ərzində ətraf mühitin vəziyyəti daha da pisləşmiş və insan gələcəyinin sual altında qalmasına nail olunmuşdur. Bununla yanaşı bəzi suallarda irəliləyiş əldə
olunmuşdur.
“Bir çoxları bu sübutları inkar etməyə və bizləri sadəcə olaraq hər şeyi böyüdən insanlar kimi qəbul etməyə yönümlüdürlər. Alimlərin vəzifəsi məlumatları analiz edərək uzunmüddətli qanunauyğunluqları tapmaqdan ibarətdir. İkinci xəbərdarlığı imzalamış insanlar havayı yerə həyəcan siqnalı vermirlər. Onlar bizlərin təbiət çirklənməsi tərəfə getdiyimizi təsdiq edən əlamətləri etiraf edirlər. Biz ümid edirik ki, bizim məqaləmiz qlobal ekologiya və iqlim barəsində irimiqyaslı cəmiyyət müzakirələrinə səbəb olacaq” – deyə William Ripple bildirib.
Yer kürəsinin ozon
təbəqəsinin kimyəvi tullantılar ilə məhv edilməsi səviyyəsinin azaldılması və bərpa
olunan enerji mənbələrindən istifadə olunması kimi bəzi sahələrdə olan irəliləyiş
onu göstərir ki, müsbət dəyişikliklər əslində mümkündür. Neqativ dünya tendensiyaları
arasında alimlər əsasən aşağıda əks olunmuşları təqdim ediblər:
- Dünya əhalisinin payına düşən içməli
su ehtiyyatı ümumilikdə 26% aşağı düşüb
- Balıqçı donanmasının səylərinə
baxmayaraq təbii mühitdə balıq ovu göstəriciləri aşağı düşüb
- Okeanda olan ölü zonaların faiz
göstəricisi 75-ə çatıb
- Demək olar ki, 120 milyon hektar
meşə ərazisi kəsilib
- Karbon qazının atmosferə ifraz olunması və illik temperatur yüksəlişi böyümək də davam edir
- Yer kürəsinin əhalisi 35% çoxalıb
- Məməlilərin, sürünən heyvanların,
amfibiyaların, quşların və balıqların ümumilikdə say göstəricisi 29% aşağı
düşüb.
Ripple və onun əməkdaşları “Dünya
Alimlərinin İttifaqı” adlı müstəqil təşkilatı yaradıblar. Bu təşkilatın əsas məqsədi
bərpa olunan enerjinin, ətraf mühitin və insanlığın rifahının maraqlarını
qorumaqdır.
Bənzər xəbərlər
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
