Alimlər: 'Koronavirusun qarşısını ala bilməyəcəyimiz ehtimallara hazırlaşmalıyıq"

Alimlər: 'Koronavirusun qarşısını ala bilməyəcəyimiz ehtimallara hazırlaşmalıyıq"

Digər
28.01.2020 PAYLAŞIM

    İlk tədqiqatlar onu göstərir ki, Çində ortaya çıxmış koronavirus inkubasiya dövrü zamanı bir insandan digər insana keçmək sayəsində çox yoluxucudur. Əgər Çin hökuməti bu virus ilə mübarizədə uduzsa biz, qrip kimi bu xəstəliyin yayıldığı bütün dünyada yaşamalı olacağıq. 2019-nCoV koronavirusunun yayılması modellərindənn çoxu onu göstərir ki, artıq indi bu virusa yoluxmuşların sayı Çin hökumətinin verdiyi rəqəmlərdən çox yüksəkdir. “Biz onun barəsində nə qədər çox məlumat alsaq, bizim onun yoluxmasının ictimai səhiyyə tədbirləri vasitəsilə qarşısını ala bilməmək ehtimalımız daha da yüksək ola bilər” - deyə Allison McGeer adlı epidemioloq qeyd edib.

    Allison McGeer 2003-cü ildə SARS ilə, 2012-ci ildə isə MERS ilə çalışıb. Bunlar koronavirusun əvvəlki hallarıdır. Bu barədə Scientific American saytı xəbər verib. Çinin səhiyyə naziri etiraf edib ki, sözügedən xəstəlik insanlar arasında inkubasiya dövrü zamanı yayıldığı üçün onun qarşısını almaq qəliz olacaq. Rəsmi məlumatlara əsasən artıq bugün səhərə Çində 4547nəfər bu virusa yoluxub və 107 nəfər vəfat edib. Bu virusdan ilk ölüm hadisəsi Pekində qeydə alınıb. Allison McGeer qeyd edib ki, bu vəziyyətdə Çin insanlığın son sərhədidir.

    Əgər virusun qarşısı alınmasa biz onun hər yerdə yayıldığı bir dünyada yaşamalı olacağıq. O həmçinin qeyd edib ki, bu məsələdə milli səhiyyə sistemlərini ciddi dəyişikliklər gözləyir. Hal hazırda bir çox inkişaf etmiş ölkələrdə sezon epidemiyası kimi qrip çıxış edir. Ölümcül koronavirus isə digər tədbirləri tələb edəcək. Pessimistik qiymətləndirmələr ilə həmçinin Londonun İmperiya kollecinin epidemioloqu Neil Ferguson da razıdır. Onun sözlərinə əsasən ən böyük “şanslı vəziyyət” ondan ibarətdir ki, digər ölümcül koronavirus olan SARS insanlarda simptomların ortaya çıxmasından əvvəl yayılmırdı.

    Bundan əlavə olaraq həmin simptomlar daha nəzərə çarpan tərzdə idilər. Çində yayılmağa başlamış koronavirusa yoluxmuş insanlar heç özləri də bilmirlər ki, bu virusa yoluxublar və bu səbəbdən həkimə müraciət etmirlər. Tədqiqatçıların məlumatlarına əsasən sözügedən inkubasiya periodu 2 həftəyə yaxın çəkə bilir. Neil Ferguson-un hesablamalarına əsasən artıq indi Çində bu virusa yoluxmuş 100.000 şəxs var. Yəni Çin hökumətinin ortaya çıxartdığı göstəricidən 20 dəfə daha çox. “Çində və bütün dünyada görülən ciddi tədbirlərin görülməsinə baxmayaraq biz o ehtimalı nəzərə almalıyıq ki, biz, epidemiyanın qarşısını ala bilməyəcəyik” - deyə Neil Ferguson qeyd edib.



SİZƏ MARAQLI OLACAQ BİR NEÇƏ MƏLUMAT


'Sapiens' və 'Homo Deus' kitablarının müəllifi Yuval Noah Harari: Koronavirusdan..

İnsan sivilizasiyası qlobal böhran yaşayır. Bu bəlkə də bizim nəslimizin ən böyük böhranıdır. İnsanl..


İspan qripi təcrübəsi: Karantin tədbirləri nə qədər sərt olarsa, iqtisadiyyat bi..

Bir çoxlarının fikirlərinə əsasən koronavirus ilə mübarizə çərçivəsində tətbiq edilən sərt karantin ..


Astronomlar yeni növ qara dəliyin mövcudluğuna dair sübutlar əldə ediblər (VİDEO..

Astronomlar orta kütləli qara dəliyin mövcud olmasının vacib sübutlarını aşkar ediblər. Belə ki, həm..


Telegram yeniləndi: 6.0 ilə bir çox yenilik gəldi

Telegram 6.0 bir çox yeniliyi istifadəçilərə təqdim etdi. Bu yenilənmə ilə bir çox maraqlı funksiya ..


Alibaba, Azərbaycana Covid-19 koronavirus pandemiyası səbəbilə yardım edəcək..

Alibaba və qurucusu Jack Maa, pandemiya səbəbilə 10 ölkəyə yardım paketi göndərəcək.


Bu elektronika mağazaları virusa görə kreditlərə möhlət verdi

Koronavirus pandemiyası səbəbilə elektronika mağazaları Kontakt Home, İrşad electronics və digərləri..