ABŞ-ın Cənubi Kaliforniya ştatında yaşayan biir qadın, Los Alamos poçt şöbəsində ona məxsus bir neçə bağlamanın poçt qutusundan oğurlandığı barədə şikayət ərizəsi ilə polisə müraciət edib. Yaxalana bilməyən cinayətkarları tapmaq istəyən Cənubi Kaliforniyalı bir qadın, bu dəfə özü hərəkətə keçib və iPhone ilə qoşalaşmış AirTag olan paketi poçt qutusuna göndərib. Oğrular başqalarının paketlərini, o cümlədən üzərində AirTag olan bağlamaları oğurladıqdan sonra qadın, AirTag vasitəsilə cinayətkarları izləyib.

     Nəhayət, qadın poçtdan 26 kilometr aralıda oğruların yerini müəyyən edib və polisə məlumat verib. Polis qrupları isə apardıqları əməliyyatla oğruları yaxalayıb. Oğruların tutulduqları əməliyyat zamanı AirTag da daxil olmaqla başqalarına məxsus təxminən 46 min dollar dəyərində bağlamalar aşkar edilib. Bu oğruların dələduzluq, kredit kartı oğurluğu və şəxsiyyət oğurluğu kimi cinayətləri də törətdikləri üzə çıxıb. Santa Maria-dan olan 27 yaşlı qadın oğru və Riverside-dan olan 37 yaşlı kişi həbs edilib. Polis öz məlumatlarında Cənubi Kaliforniyadan olan qadının şəxsiyyətini gizli saxlamaq istədiyini bildirib.

     Bu, AirTag-ın ilk qəhrəmanlığı deyil. Son aylarda Philip Obando adlı şəxs, evinin qarşısından BMW markalı avtomobilinin oğurlandığını görüb. Obando, əvvəllər oğurluq ola biləcəyini düşünərək avtomobilinin içərisində AirTag gizlətmişdi. Avtomobilini uzaqdan izləyərək oğrunun üzünü görən və siqnal verərək onu qorxudan Obando, nəhayət avtomobilini Apple-ın "Find My" proqramından istifadə etdiyi yerdən götürüb. Oğrunun avtomobildən düşən pulqabı kimi şəxsi əşyaları isə onun yaxalanmasına kömək edib.