Şirkətin marketinq kommunikasiyaları üzrə vitse-prezidenti Tor Myhren verdiyi açıqlamasında "Apple-da yaradıcılıq bizim DNT-mizdə var və bütün dünyada yaradıcıları gücləndirən məhsullar dizayn etmək bizim üçün inanılmaz dərəcədə vacibdir... Bu video ilə yanlış hədəfi seçmiş olduq və buna görə, üzr istəyirik." sözlərini deyib. "Crush" adlanan reklam Apple-ın YouTube kanalında və CEO Tim Cook-un X hesabında milyonlarla izlənmə sayına çatıb və hələ də platformalarda yayımlanmağa davam edir. Digər tərəfdən, Apple bu reklamı TV-də yayımlamağı planlaşdırırdı, lakin bu planların ləğv edildiyi bildirilir.

     Yeni iPad Pro, Apple-ın indiyə qədər istehsal etdiyi ən incə məhsuldur və tamamilə yeni M4 çipi ilə gəlir. Apple-a görə, süni intellektdən nəticə çıxarma və ümumi performans baxımından əhəmiyyətli qazanclar təqdim edən iPad Pro, məhsuldarlıq proqramlarını asanlıqla idarə etmək üçün kifayət qədər güclüdür. Reklamın alt mətnində isə "Bütün bunları edə bilən bir cihaz" olaraq qeyd olunmuşdu. Bundan əlavə, reklam çarxının LG-nin 16 il əvvəl yayımladığı reklama çox bənzəməsi də qınaq obyektlərindən birinə çevrilib.

     Apple bir müddətdir ki, yaradıcılıq qabiliyyətinin olmaması ilə bağlı tənqidlərə məruz qalır. Şirkət əvvəllər olduğu kimi insanları həyəcanlandıran yeni məhsullar istehsal etməkdə çətinlik çəkir. Hətta Vision Pro belə, satışa çıxdıqdan bir neçə ay sonra gözləniləndən daha tez bir müddətdə bütün istifadəçi marağını itirdi. iPhone daxil olmaqla, bütün əsas kateqoriyalar üzrə satışlar əvvəlki dövrlərlə müqayisədə aşağı düşüb. Təbii ki, şirkət hələ də mobil dünyanın zirvəsindədir, lakin Apple-ın mühüm sahələrdə (süni intellekt) və uğursuz layihələrdə (Apple Car) geridə qalmağı investorları narahat edir.