Apple keçmiş dizayn rəhbəri Jony Ive-ı məhkəməyə cəlb etmədi

    Apple-ın OpenAI-a qarşı qaldırdığı kommersiya sirri və intellektual mülkiyyət oğurluğu iddiasında şirkətin keçmiş baş dizayneri Jony Ive-ın adının yer almaması diqqət çəkib. Bloomberg jurnalisti Mark Qurmanın fikrincə, bunun əsas səbəbi Ive-ın iddiada qeyd olunan proseslərdə birbaşa iştirak etməməsi və Apple-ın reputasiya riskindən yayınmaq istəməsidir. Apple iyulun 10-da OpenAI və bir neçə keçmiş əməkdaşına qarşı məhkəmə iddiası qaldıraraq onları məxfi şirkət məlumatlarını və məhsul dizaynlarını qanunsuz şəkildə istifadə etməkdə ittiham edib. İddianın əsas fiqurlarından biri isə hazırda OpenAI-da aparat bölməsinə rəhbərlik edən keçmiş Apple meneceri Tang Tan-dır.

    Məhkəmə sənədlərinə görə, Tang Tan Apple əməkdaşlarını OpenAI-a cəlb etməyə çalışıb, onlardan məhsul prototipləri və məxfi dizayn materialları gətirmələrini təşviq edib. Apple iddia edir ki, bu addımlar şirkətin kommersiya sirlərinin mənimsənilməsinə yönəlib. Bloomberg-in məlumatına görə, Jony Ive isə OpenAI-da əsasən yeni aparat məhsullarının dizayn konsepsiyası üzərində çalışır və işə qəbul, idarəetmə və əməliyyat qərarlarında iştirak etmir. Buna görə də iddiada qeyd olunan hərəkətlərlə onun əlaqəsinin olmadığı düşünülür.