Apple Yeni il reklamını təqdim edib!

    Technote.az "The Verge" platformasına istinadən bildirir ki, Coca-Cola kimi bir çox brend bu il Yeni il kampaniyalarında generativ süni intellektdən istifadə etsə də, Apple tam əksinə real effektlərə əsaslanan, əl işləri ilə hazırlanmış kuklalarla dolu “A Critter Carol” adlı bayram qısa filmini təqdim edib.

    Reklamda bir dağ yürüşçüsü iPhone 17 Pro-nu səhvən meşəyə salır. Telefonu isə macərapərəst bir rakun tapır və onu istifadə edərək Flight of the Conchords-un “Friends” mahnısının improvizə olunmuş ifasını çəkir. Sonda yürüşçü Apple Watch vasitəsilə telefonunu tapıb geri götürür.

    Apple həmçinin reklamın necə çəkildiyini göstərən kamera arxası material yayıb. Burada görünür ki, geniş meşə məkanını yaratmaq üçün mavi fonlar və mavi kostyumlar istifadə edilib, insan kukla ustaları isə post-prosesdə kadrlardan silinib. Bütün heyvan obrazları xüsusi hazırlanmış mexaniki kuklalar olub və bir neçə nəfərlik peşəkar komanda tərəfindən idarə edilib. Üstəlik, bütün film tamamilə iPhone 17 Pro ilə çəkilib.