2024-cü il Apple marketinq komandası üçün yaxşı keçməyib. Bir neçə ay əvvəl iPad "Crush" reklamı ilə reaksiyalara səbəb olan Apple, yenə eyni vəziyyəti yaşayıb. Taylandda çəkilmiş "OOO (Out of Office)" adlı yeni reklam çarxı yeni müzakirələrə səbəb olub və Apple, buna görə, üzr istəməli olub. Lakin Crush reklamından fərqli olaraq, yeni reklam çarxı yayımdan qaldırılıb.

     Apple, bu yaxınlarda “The Underdogs” seriyasının yeni reklam çarxını yayımladı. Yeni reklam çarxında bir qrupun əyləncəli formatda Apple məhsulları ilə müxtəlif işlər gördüyü göstərilir. Ancaq Tayland, inkişaf etməmiş və zamandan geri qalan bir ölkə kimi təqdim edildiyi üçün reklam, sərt reaksiyalarla qarşılanıb. Əslində, Tayland Nümayəndələr Palatasının Tayland komitəsinin sözçüsü Patpicha Tanakasempipat, “Taylandlılar reklamdan çox narahatdırlar. Mən Taylandlıların Apple məhsullarından istifadəni dayandırıb, başqa brendlərə keçməsini dəstəkləyirəm." sözlərini ifadə edib.

     Artan mübahisədən sonra Apple, reklamı silib və bu açıqlamanı verib: “Məqsədimiz ölkənin nikbinliyini və mədəniyyətini hər kəsə tanıtmaq idi. Taylandın canlılığını tam şəkildə göstərə bilmədiyimiz üçün üzr istəyirik. Reklam artıq efirdə deyil.”