Ben Affleck Batman haqqında çəkiləcək filmdə baş rolu canlandıracaq
"Batman v Superman: Dawn of Justice” filminin mütəxəssislər
tərəfindən pis qarşılanmasına baxmayaraq Ben Affleck-in Batman obrazını
canlandırma bacarığı bir çoxlarının xoşuna gəlmişdir. Hətda bir çox pərəstişkarlar
onu çəkiləcək yeni "Batman” filmindədə görmək istəyiblər. Warner Bros. studiyasının
baş meneceri Kevin Tsujihara rəsmi olaraq bildirib ki, aktyor Batman haqqında
olacaq yeni filmdə baş rolu canlandırmaqla yanaşı həmdə filmin rejissoru
olacaq. Yeni "Batman” haqqında məlumatlar hələki sirr olaraq qalır. Lakin artıq
məlumdur ki, film yaxın 5 il ərzində böyük ekranlara çıxacaq. Aprelin əvvəlində
Warner Bros. studiyası DC Comics əsasında çəkiləcək iki filmin premyera tarixlərini
açıqlamışdır (5 Oktyabr 2018-ci il 1 Noyabr 2019-cu il). Filmlərin hansı
komiks əsasında çəkiləcəyi hələki bilinməsə də güman olunur ki, sonuncu
premyera tarixi məhz Batman haqqında çəkiləcək filmə aiddir. Bir neçə müddət
bundan öncə hətda şaiyə yayılmışdı ki, Ben Affleck filmin ssenarisi üzərindədə
çalışır. İzləyicilər Ben Affleck-i Batman rolunda "Justice League” filmində görə biləcəklər.
Amma ondan öncə biz aktyoru həmdə "Suicide Squad” filmindədə görəcəyik. Lakin "Suicide
Squad” filmində Batman obrazı üçün nə qədər vaxt ayrıldığı hələki bilinmir. Çox
güman ki, bu epizodik rol olacaq. Onu da qeyd edək ki, "Justice League” filminin çəkilişlərinə
artıq start verilib.
Paylaş
Bənzər xəbərlər
