DOGE departamenti bağlandı: Elon Musk-dan sonra təşəbbüs dayandırılıb

    Technote.az Mashable platformasına istinadən bildirir ki, ABŞ hökumətində yaradılmış Department of Government Efficiency (DOGE) artıq mövcud deyil. Layihə onun faktiki rəhbəri hesab olunan Elon Musk-ın may ayında vəzifədən ayrılmasından sonra səssiz şəkildə ləğv edilib və yeddi aydan daha tez müddətdə fəaliyyətini dayandırıb.

    Reuters yazır ki, ABŞ-nin Office of Personnel Management (OPM) federal hökumətin insan resursları və kadr siyasətinə cavabdeh qurumun direktoru Skott Kupor bu ayın əvvəlində DOGE-un artıq mövcud olmadığını və mərkəzləşdirilmiş qurum kimi fəaliyyət göstərmədiyini təsdiqləyib. Reuters-in əldə etdiyi sənədlərə əsasən, DOGE-a aid olan bir çox funksiyalar artıq OPM tərəfindən icra olunur.

    Kupor sonradan X platformasında yayımlanan Reuters xəbərini tənqid etsə də, onun məzmununun doğru olduğunu da təsdiqləyib. O bildirib ki, DOGE təşkilat olaraq həqiqətən də ləğv olunub, lakin departamentin prinsipləri və məqsədləri hökumət daxilində tətbiq edilməyə davam edir.