DOJ RealPage ilə icarə qiymətlərinin süni artırılması iddiası üzrə razılaşma əldə edib

    Technote.az "The Verge" platformasına istinadən bildirir ki, ABŞ Ədliyyə Nazirliyi (DOJ) RealPage şirkəti ilə hazırladığı proqram vasitəsilə süni qiymət artımına səbəb olmaqda ittiham olunduğu iş üzrə razılaşma əldə etdiyini açıqlayıb. Razılaşmaya əsasən, RealPage artıq ev sahiblərindən topladığı məlumatları əvvəlki kimi istifadə edə bilməyəcək və bu məlumatlar kirayə qiymətlərinin müəyyənləşdirilməsi üçün tətbiq edilməyəcək.

    Ötən il DOJ və bir neçə ştat RealPage-ə qarşı antitrest iddiası qaldırmışdı. İddiada bildirilirdi ki, şirkətin proqramı rəqib ev sahiblərindən aldığı məxfi məlumatları birləşdirərək gündəlik icarə qiyməti tövsiyələri yaradırdı. Nazirliyin iddiasına görə, rəqib ev sahibləri qiymətləri artırdıqca, RealPage proqramı digər ev sahiblərinə də qiymətləri artırmağı tövsiyə edir.

    Əgər məhkəmə razılaşmanı təsdiqləsə, RealPage-in alqoritmasını işlətmək üçün yalnız ən azı 12 ay əvvəlki məlumatlardan istifadə etməsinə icazə veriləcək. Bundan əlavə, şirkət ev sahiblərini qiymətləri endirməkdən çəkindirən və ya rəqiblərin qiymətlərinə uyğunlaşdırmağa sövq edən funksiyaları sistemdən çıxarmalı və ya onları yenidən dizayn etməlidir. Ədliyyə Nazirliyinin rəsmisi Abigail Sleyter bildirib ki, RealPage rəqabəti koordinasiya ilə əvəz edirdi və bu səbəbdən kirayəçilər zərər çəkirdi. Onun sözlərinə görə, əldə olunan razılaşma RealPage-in müştəriləri ilə birlikdə icarə qiymətlərini koordinasiya etməsinin qarşısını alacaq.