Elon Musk, 5-ci sinif şagirdinin reklam ideyasını qəbul edib
"SpaceX” və"Tesla Motors” şirkətlərinin təsisçisi Elon Musk öz Twitter səhifəsində Bria adlı 5-ci sinif şagirdinin məktubunu paylaşıb.
Bria öz məktubunda "Tesla Motors” avtomobillərinə olan
sevgisindən və bu şirkətin öz məhsullarını necə inkişaf etdirmək barədə ideyasını
paylaşıb. Belə ki, Bria fikir verib ki, şirkət öz avtomobillərinin reklamına vəsait
xərcləmir. Bununla yanaşı YouTube-da avtomobil sahiblərinin öz videoları mütəmadi
olaraq yerləşdirilir. Bu videolar isə şirkət üçün yaxşı piar ola bilər. Bria,
Musk-a bu cür video yayımlayan istifadəçilər arasında konkurs keçirtməyi və
qalibə il ərzində pulsuz avtomobil şarjından istifadə etməyi təklif edib. "Gözəl
sözlərə görə təşəkkürlər. Bu çox əla səslənir. Biz bunu edəcəyik” – deyə Elon
Musk öz tweetində qeyd edib. Bundan əlavə olaraq Bria, şirkətin ətraf mühit
haqqında düşünməsini yüksək qiymətləndirib.
Paylaş
Bənzər xəbərlər
