Elon Musk öz sözünü tutdu. O, 100 günə ən böyük litium-ion batareyasının inşasını sona çatdırdı

Batareyanın optimal işini təmin etmək və yerli tənzimləyicilərin tələblərinə uymaq üçün növbəti bir neçə gün ərzində sözügedən batareyanın testi keçiriləcək. Batareyanın işinə tam şəkildə isə Dekabr ayında start veriləcək. Powerpack, onu enerji ilə təmin edən külək enerjisi fermasına qoşulub. Sistemin enerji tutumu 30.000 evi işıq enerjisi ilə təmin etməyə kifayət edir.

Qeyd edək ki, bu ilin Mart ayında Musk öz Twitter hesabında bildirmişdi ki, bu layihəni 100 gün ərzində ərsəyə gətirməsə, onda onun vəsaitini öz cibindən (65 milyon dollar) ödəyəcək. 100 günlük müddət Avstraliya höküməti ilə şirkət arasında müqavilənin bağlandığı gündən hesab olunmalı idi. Batareyanın tikintisinə Sentyabr ayında start verildi və tam vaxtında sona çatdırıldı.