Google-un Quick Share yeniləməsi Wi-Fi bağlantısını sıradan çıxarır

    Technote.az "The Verge" platformasına istinadən bildirir ki, Google-un Pixel 10 istifadəçiləri üçün təqdim etdiyi yeni Quick Share yeniləməsi gözlənilməz bir texniki problemə səbəb olub. Bu funksiya Pixel cihazlarından iPhone-lara AirDrop bənzəri şəkildə fayl göndərməyə imkan verir. Lakin Android Police-in aşkar etdiyi bug səbəbindən sadəcə “fayl göndər” menyusunu açmaq belə Wi-Fi bağlantısının kəsilməsinə gətirib çıxarır.

    Maraqlıdır ki, istifadəçi menyudan çıxıb başqa bir tətbiqə keçən kimi Wi-Fi avtomatik olaraq yenidən qoşulur. Bu da problemin cihaz üçün təhlükəli olmadığını göstərir, lakin yenə də istifadəçi təcrübəsini narahat edən bir xırda səhvdir. Hazırda Google problemin səbəbi ilə bağlı açıqlama verməyib, lakin yaxın yeniləmələrdən birində düzəliş ediləcəyi gözlənilir.