Rockstar Games əvvəllər Milad ərəfəsində Grand Theft Auto seriyası üçün yeni ekran görüntüləri və ya tizer məzmunları təqdim etmək ənənəsinə malik idi. Lakin bu il şirkət bu ənənəni pozaraq bayram mövsümündə hər hansı yeni məzmun yayımlamayıb. Bunun əvəzinə, Rockstar-ın Instagram səhifəsində maraqlı bir fəaliyyət müşahidə olunub: paylaşımların sayı son bir ayda 19-dan 27-yə yüksəlib və hər yeni paylaşım edildikdə köhnə bir paylaşım silinib. Bu davranış, 27 rəqəminin bir ipucu ola biləcəyi nəzəriyyəsini gücləndirib.

     Ned Luke-un ulduzlu paylaşımı isə oyunçuları 2 qrupa bölüb. Bir qrup pərəstişkar bunu GTA 6-nın ikinci trailerinin yayımlanma tarixi kimi dəyərləndirsə, digərləri Michael obrazının GTA Online-a DLC məzmunu olaraq əlavə edilə biləcəyini irəli sürüb. Əvvəlki GTA 6 treylerində pərəstişkarlara Vice City-dən ilhamlanmış bir şəhərdə keçən heyranedici bir hekayə təqdim edilmişdi, lakin personajlar və oyun detallarına dair çox az məlumat verilmişdi.

     İkinci treylerin oyunun xəritəsi, oyun mexanikası və personajlar haqqında daha ətraflı məlumat təqdim edəcəyi gözlənilir. Rockstar-ın belə bir treyleri bayram dövründə yayımlaması, gənc oyunçuların məhz tətil vaxtı geniş iştirakını təmin etmək üçün strategiyasına uyğun görünür. GTA 5-in yayımlanmasından 10 ilə yaxın bir vaxt keçməsinə baxmayaraq, Rockstar Games seriyanın yeni oyunu ilə bağlı gözləntiləri hər zamankindən daha yüksək səviyyəyə qaldırıb. İkinci video yayımlandığı təqdirdə, oyunçular geniş bir xəritə, multiplayer rejimdə yeniliklər və hekayə detalları ilə bağlı önəmli məlumatların paylaşılacağını gözləyirlər.