GTA 6 üçün geri sayım başladı

    Take-Two Interactive məşhur oyun seriyasının yeni hissəsi Grand Theft Auto VI (GTA 6) üçün ön sifarişlərin 25 iyun tarixində açılacağını açıqlayıb. Bu addım oyunun uzun müddətdir gözlənilən marketinq kampaniyasının rəsmi şəkildə başladığını göstərir. Hazırda yeni treyler təqdim edilməsə də, Rockstar oyunun rəsmi üz qabığını yayımlayıb. Klassik GTA üslubunda hazırlanan bu dizaynda Vice City-nin yeni versiyasında yer alacaq personajlar, avtomobillər, silahlar və müxtəlif heyvanlar təsvir olunur.

    Ön sifarişlərin açılması həm də oyunun buraxılış tarixi ilə bağlı müsbət siqnal hesab edilir. Şirkət əvvəlki təxirəsalmaları adətən buraxılışdan təxminən altı ay əvvəl elan edirdi. Hazırda isə həmin müddət artıq geridə qaldığından, bütün əlamətlər GTA 6-nın planlaşdırıldığı kimi 19 noyabr tarixində satışa çıxacağını göstərir. Oyun ilk mərhələdə PlayStation 5 və Xbox Series X/S platformaları üçün təqdim ediləcək.