İllərdir gözlədiyimiz xəbər: Tənbəl insanlar əslində çox ağıllıdırlar

"Florida Guld Coast Universiteti"nin tədqiqatları, tənbəl insanların əslində digər insanlara nisbətən daha ağıllı olduğunu göstərir.

Uzun zamandır sosial şəbəkələrdə gəzən, Bill Qeyts-in "Mən həmişə vacib vəzifələr üçün tənbəl insanları işə alıram. Çünki, tənbəl insanlar çətin bir problemin ən sadə həllini tapırlar.” cümləsinə rast gəlmiş ola bilərsiniz.

Bu cüml üstündə çox ciddi mübahisələr olsa da, hətta sözü Qeyts-in deyib demədiyi barədə hərarətli bir şəkildə mübahisələr edilsə də, Amerikanın Florida ştatında yerləşən "Gulf Coast Universiteti"nin tədqiqatları, əslində Qeyts-in sözünü elmi cəhətdən doğruladı.

Universitetin, IQ ilə tənbəllik arasındakı bağlantını sınamaq üçün reallaşdırdığı testlər, yüksək IQ-su olan şəxslərin bir mövzudan çox gec sıxılaraq həmin mövzuya fokuslanması və bu səbəbdən birdən artıq işi qısa bir vaxt içinə sığdırmaq istəmədiyini göstərir. Aşağı IQ-ya sahib şəxslər isə o anda etdikləri işdən hər an uzaqlaşa bilmə hissinə sahib olduqları üçün daha hərəkətli, birdən çox iş arasında keçid edə bilən işçilər olurlar.

Tədqiqat komandasının bir həftə ərzində sınaqdakı insanların həyatlarını izləmələri, bir mövzu üstündə fokuslananların çox daha az hərəkət etdikləri, ciddi bir şəkildə bir mövzu haqqında düşünməyən insanların isə daha hərəkətli bir həyata sahib olduqları nəticəsinə gətirib çıxardı. 

Technote komandası olaraq sizlərə "Sağlam bədəndə sağlam düşüncə olar” deyimini xatırladaraq, bol-bol düşünməyinizi, bir şeylər yaratmağa davam etməyinizi, ancaq nə olur-olsun düzənli bir hərəkətliliyi həyatınızdan əskik etməməyinizi məsləhət görürük.