Keçmişdə olmuş 6 qorxunc və qəribə xəstəlik

İnsanlıq tarixində bir çox qorxunc xəstəlik və epidemiyalar olmuşdur. Məsələn qara ölüm (taun pandemiyası), çiçək xəstəliyi, vərəm və s. Bu xəstəliklərin hər biri keçmiş nəsillər üçün qorxunc bir yuxu kimi idi. Lakin həmin xəstəliklərin arasında elələri var idi ki, sanki onlar qorxulu filmlərdən reallığa çevrilmişdilər. İnanmaq çətin olsa da siyahıda olan xəstəliklər reallıqda olmuş xəstəliklərdir. Bu xəstəliklərin bəzilərinin səbəbləri artıq bilinsə də bəzilərininki isə sirr olaraq qalır.

Partlayan dişlər

Bu xəstəlik 19-cu əsrdə müşahidə olunurdu. Xəstələrin dişləri şiddətli dərəcədə ağrıyandan sonra içəridən partlayırdılar. Bu partlayışın gücü bəzən elə güclü idi ki, xəstələri yerə sərirdi. 19-cu əsrin sonuna yaxın diş partlaması sindromu yoxa çıxdı. Müasir tədqiqatçıların fikrincə diş partlamalarının səbəbi gümüş və qurğuşun-dan hazırlanmış plomb dişlər iləhidrogen arasındakı reaksiya idi.

Xloremiya və ya "yaşıl qadınlar”

200 il ərzində xloremiya və ya başqa adla desək xlorotik anemiya yüksək təbəqəli qadınların qorxulu yuxularına çevrilmişdi. Onlar depressiyaya düşərək ayaq üstə dura bilmirdilər. Nəticədə günün çox vaxtını yatmaqla keçirirdilər. Beləliklə qadınlarda oynaqlar şişir, ürək döyüntüləri tezləşir, menstruasiya prosesi dayanır və dəriləri yaşıl rəngə çevrilirdi. Bütün bunlar orqanizmdə dəmir çatışmamazlığından baş verirdi. Lakin o vaxtın həkimləri bunu cinsi əlaqə çatışmamazlığı ilə əlaqələndirirdilər.

"National” hotelinin lənəti

1850-ci illərdə Vaşinqtonda olmuş "National” hotelinin sakinləri qəribə xəstəlikdən əziyyət çəkirdilər. Belə ki, hoteldə qalmış hər hansı bir şəxs dil şişməsindən, yoğun bağırsaq iltihabından, ürək bulanmalardan və diareyadan əziyyət çəkirdi. Bu bir növ hotelin lənəti hesab edilirdi. Sonradan məlum oldu ki, bunun səbəbi binanın su sistemini çirkləndirən partlamış kanalizasiya borusu olub.

Çənə fosfonekrozu

Bu xəstəlikdən əziyyət çəkən xəstələrin çənələri müxtəlif istiqamətlərdə böyüyürdü. Hələ bu azmış kimi çənənin bəzi hissələri gecə vaxtı işıq saçırdı. Sözügedən xəstəlik əsasən kibrit zavodu işçilərində müşahidə edilirdi (o vaxtlar kibritlər ağ fosfor-dan hazırlanırdı). Ağ fosfor buxarı orqanizmə daxil olaraq sağlam olmayan sümüyün məhv olunmasının qarşısını alırdı. Nəticədə sümüklər müxtəlif istiqamətlərdə böyüyürdülər. Xəstəlik kibrit istehsalında fosfordan istifadədən imtina edilməsindən sonra başa çatdı.

Afina pandemiyası

Qədim yunan tarixçisi Fukidid Afinanı bürümüş bu xəstəliyi belə təsvir edib. Xəstələrin görünüşləri o qədər dəhşətli idi ki, hətta Afinaya hücum etməyə hazılaşan spartalılar belə şəhər divarlarından geri qayıtmışdılar. Bu xəstəliyə yoluxmuş insanlar yüksək temperaturdan, göz qızartılarından, qan qusmalarından və diareyadan əziyyət çəkirdilər. Daha sonra xəstəlik birdən birə yoxa çıxdı. Onun izləri digər mənbələrdə yoxdur. Maraqlısı ondadır ki, simptomlar baxımından xəstəlik Ebola-ya çox bənzəyir.

Şüşə illüziyası

Bu xəstəlikdən əsasən orta əsrlərdə yaşamış insanlar əziyyət çəkirdilər. Bununla belə xəstəliyi həm varlı həmdə kasıb insanlar yoluxurdular. Xəstəliyə yoluxmuş insanlar düşünürdülər ki, onların bədənləri şüşədən hazırlanıb və hər an bir hərəkətlə onlar milyonlarla hissəciklərə səpələnəcəklər. Həmçinin bu xəstəlik bir anlıq tutmalar ilə baş verirdi. Məsələn hansısa şəxs sakit bir şəkildə söhbət etdiyi zaman birdən birə ani bir hərəkətlə hissəciklərə səpələnəcəyini bəyan edir və özünü buna inandırırdı. Alimlər fikirləşirlər ki, bu psixi epidemiya idi. Belə ki, şüşə illüziyasına ilk dəfə 1400-cü ildə Karl VI yoluxmuşdur. Daha sonra o təqlid epidemiyası kimi yayıldı.