Videoda Tesla-nın insanabənzər robotu Optimus, Kardashian-ın hərəkətlərinə reaksiya verməsi ilə diqqət çəkir. Bu paylaşım çox qısa müddətdə 8 milyon baxış sayı toplayıb, sosial media istifadəçiləri isə bu mövzu üzərində müzakirələr aparmaqdan çəkinməyiblər. Kardashian-ın X-dəki paylaşımında robotla qarşılıqlı əl salladığı və birlikdə əl ilə ürək işarəsi tutduqları görülür. Bununla yanaşı, məşhur amerikalı televiziya ulduzunun Optimus ilə bağlı paylaşımları bununla məhdudlaşmayıb. O, bir neçə Instagram hekayəsində də Optimus ilə “daş-kağız-qayçı” oynadığı anları paylaşaraq izləyiciləri ilə bölüşüb. Amma robot bu oyunda çox da sürətli deyil.

     Başqa bir videoda isə Optimus, Kardashian-ı təəccübləndirərək onun əl hərəkətləri ilə yaratdığı ürək işarəsini tamamlamağı bacarıb. Bu zaman Kardashian-ın "bunu necə edəcəyini bilirsən" dediyi eşidilib. Optimus-un həmçinin rəqs edə bildiyi və bəzi rəqs hərəkətləri göstərdiyi də videolarda görünür. Tesla-nın insanabənzər robotu Optimus-un qiyməti 20-30 min dollar arasında dəyişir. Kardashian-ın bu paylaşımlarının Optimus-un daha da populyarlaşmasına və geniş kütlələr tərəfindən tanınmasına kömək edəcəyi isə demək olar ki, dəqiqdir.