Bir müddət əvvəl Yer üzündə aurora borealis-i və ya Qütb parıltısını normal şəraitdə görə bilməyən insanlar bu görüntüdən zövq alarkən, NASA-nın SDO Rəsədxanası Günəşdə baş verən bu partlayışları qeydə alıb. NASA-nın açıqlamasına görə, Günəşdə baş verən bu partlayışlar, mayın 7-də başlayıb. Bu tarixdə 2 güclü Günəş partlaması baş verib ki, bu da həmçinin Günəş aktivliyinin rekord həddə çatmasına səbəb olub. NASA, mayın 3-dən 9-a qədər 82 əhəmiyyətli Günəş partlayışını müşahidə etdiyini və onlardan səkkizinin X sinifi statusuna, yəni ən intensiv olanına çatdığını bildirib. Bu partlayışlar 2010-cu ildə Günəşi izləmək üçün buraxılan yarı avtonom kosmik gəmi SDO tərəfindən çəkilib. NASA-nın aşağıdakı videosu eyni Günəş bölgəsinin mayın 14-də X8.7 maqnitudalı böyük alışma ilə üzləşdiyini göstərir.

     Bu partlayışlar, təxminən 4.830.000 km/s kimi inanılmaz yüksək sürətlərə çataraq bir sıra tac kütləsi atılmasına (CME) səbəb olub. Bu hadisələr zamanı kosmosa səpələnmiş hissəciklər mayın 10-da Yerə çataraq, bu cür hadisələrə verilən ən yüksək səviyyə olan G5 reytinqli geomaqnit qasırğası yaradıb. Bu böyüklükdə bir fırtına 2003-cü ildən bəri Yerə təsir etməmişdi və səmanı şimali Hindistana qədər müxtəlif rənglərə boyamış oldu. NASA bildirir ki, ortaya çıxan aurora şəkilləri 500 ildə görülmüş ən intensiv aurora görüntüləri ola bilər. NASA, Geospace Dynamics Constellation (GDC) və Dynamical Neytral Atmosphere-Ionosphere Coupling (DYNAMIC) kimi gələcək missiyaları ilə Günəşi daha ətraflı araşdıracağını söyləyir. Digər tərəfdən, NASA idarəçilərdən biri olan Teresa Nieves-Chinchilla, Günəşdə baş verən son hadisələrlə bağlı bunların illərlə araşdırılacağını qeyd edib.