Nintendo MAR10 Günü münasibətilə üç klassik Mario oyununu təqdim edir
Technote.az “Apple Insider” platformasına istinadən bildirir ki, Nintendo 10 mart – MAR10 Günü münasibətilə Nintendo Switch Online kitabxanasına üç retro Mario oyununu əlavə edəcəyini açıqlayıb. Platformaya qoşulan yeni adlar bunlardır: Mario’s Tennis, Mario Clash və Mario Vs. Donkey Kong.
Bu oyunları oynamaq üçün istifadəçilər Nintendo Switch Online + Expansion Pack abunəliyinə sahib olmalıdırlar. Hər iki Virtual Boy oyunu ilk dəfə 1995-ci ildə Virtual Boy platforması üçün buraxılıb.
- Mario Clash klassik arcade üslubunu 3D elementlərlə yenidən təqdim edir.
- Mario’s Tennis isə Mario Tennis seriyasının ilk oyunu hesab olunur və yaxın zamanda çıxan Mario Tennis Fever üçün nostalji tamamlayıcı rolunu oynayır.
Bu oyunlar artıq Virtual Boy tətbiqində mövcud olan digər adlara qoşulur: 3D Tetris, Galactic Pinball, Golf, The Mansion of Innsmouth, Red Alarm, Teleroboxer və Virtual Boy Wario Land. Qeyd edək ki, Virtual Boy oyunlarını oynamaq üçün xüsusi aksesuar – 100 dollarlıq Virtual Boy replikası və ya 25 dollarlıq karton VR başlığı tələb olunur.
Paylaş
