PAİ-nin Baş katibi “Azərkosmos”un Peyk İdarəetmə Mərkəzini ziyarət edib
Parlamentlərarası İttifaqın Baş katibi Martin Çunqonq və təşkilatın bir sıra yüksək vəzifəli nümayəndələri “Azərkosmos”un Əsas Yerüstü Peyk İdarəetmə Mərkəzində olublar. Səfər çərçivəsində qonaqlara Azərbaycanın kosmik infrastrukturu təqdim edilib.
Technote.az xəbər verir ki, görüş zamanı qonaqlara ölkənin müasir peyk idarəetmə imkanları barədə ətraflı məlumat verilib. Həmçinin “Azərkosmos”un telekommunikasiya və Yer müşahidəsi sahəsində fəaliyyəti diqqətə çatdırılıb.
Tərəflər kosmik texnologiyaların rəqəmsal transformasiyaya təsiri ilə bağlı fikir mübadiləsi aparıblar. Görüşdə dayanıqlı inkişaf istiqamətində kosmik həllərin rolu müzakirə olunub.
Müzakirələr zamanı beynəlxalq əməkdaşlığın genişləndirilməsi məsələlərinə də toxunulub. Kosmik texnologiyalar sahəsində birgə fəaliyyət imkanları dəyərləndirilib.
Səfər çərçivəsində Azərbaycanın kosmik sektorunun inkişafı və mövcud imkanları təqdim olunub. Qonaqlar peyk idarəetmə infrastrukturu ilə yaxından tanış olublar.
Paylaş
Bənzər xəbərlər
