iPhone istifadəçiləri zəngli saatlarının işləmədiyi barədə şikayətlərini bildirdikdən sonra, Apple mövzu barədə açıqlama edərək problemi bir sonrakı yeniləmədə aradan qaldıracağını bildirmişdi. Hələ Apple problemi aradan qaldıracaq yeniləməni təqdim etmədən, artıq Koreya nəhəngi bu problemi öz rəsmi səhifəsində ələ salmağa başlayıb. 

     Samsung şirkəti "samsunguk" rəsmi Instagram səhifəsində paylaşdığı bir görüntüdə "zəngli saat mahnısı ilə DJ-lik edən" və eyni zamanda "rəqs edən it" videosu paylaşıb. Videonun üzərində "Zəngli saatlarımızın işləyəcəyinə əmin ola bilərsiniz", açıqlamasında isə “Samsung istifadəçiləri bu gün vaxtında yuxudan oyanıblar” sözləri qeyd edilib. Paylaşılan görüntülərdən və yazılardan Samsung şirkətinin Apple-i ələ saldığı açıq-aydın görünür.

     Onu da qeyd edək ki, Samsung birinci dəfə deyil ki, bu şəkildə Apple-i ələ salır. Bu tip paylaşımlar artıq 10 ildir ki, var. Məsələn, bir neçə il əvvəl Samsung, "Galaxy Note" seriyasının iPhone-dan nə qədər yaxşı olduğunu göstərən videonu YouTube səhifələrində paylaşmışdı.