“Sevgilinizdən ayrıla bilmirsiniz? Biz sizi ayırarıq!” – deyən startap

Sevgililərindən ayrılmaqda çətinlik çəkənlər üçün xarici bazarda diqqətimizi çəkən bir startap var: The Breakup Shop

10 $-a sizin üçün bir ayrılıq sms-i və ya e-maili hazırlayan The Breakup Shop, istəyinizə uyğun olaraq 20 $-a ətraflı ayrılıq məktubu da hazırlayır.

Alternativ olaraq 29 $-dan başlayan qiymətlərlə siz, zəng ilə ayrılıq xəbərinizi verə biləcək bir "Qəlb qırıcı” (heartbreaker) ismarıc əldə edə bilərsiniz. The Breakup Shop-a ayrılıq planınızdan bir neçə gün əvvəl xəbər verməlisiniz. Ya da təcili verilən bir qərardırsa biraz daha çox ödəniş etməlisiniz.

Təbii ki, seçimlər arasında 80 $-lıq Breakup Hədiyyə Paketi-də yer alır.

Payız aylarında əlavə ediləcək yeni funksiya vasitəsilə siz, The Breakup Shop-da öz ayrılıq məktublarınızı, səs yazmalarınızı və ya videolarınızı yerləşdirərək, digər istifadəçilərə sata və gəlir əldə edə bilərsiniz.