SpaceX-in 1,5 trilyon dollarlıq birja planı gündəmdə!

     Technote.az “TechCrunch” platformasına istinadən bildirir ki, SpaceX-in 2026-cı ilin ortalarında və ya sonlarında birbaşa birjada listinqə çıxmağı planlaşdırdığı bildirilir. Bloomberg News-un anonim mənbələrə istinadən verdiyi məlumata görə, şirkət IPO zamanı təxminən 30 milyard dollar vəsait toplamağı və ümumi dəyərini 1,5 trilyon dollara qədər yüksəltməyi hədəfləyir.

    Bu rəqəm SpaceX-in IPO-sunu tarixdəki ən böyük ilkin səhmlərin yerləşdirilməsi edəcək və 2019-cu ildə Səudiyyə Aramco-nun topladığı 29 milyard dollarlıq rekord göstəricini geridə qoyacaq.

    Məlumatlar həmçinin Wall Street Journal-ın bir neçə gün əvvəl bildirdiyi digər məqamı da təsdiqləyir. SpaceX işçilər üçün yeni ikincil səhmlərin satışı üzərində işləyir. Bloomberg yazır ki, şirkət həmin satış prosesini artıq dəqiqləşdirib və qiymətləndirmə 800 milyard dollardan daha yüksəkdir. Bu çərçivədə işçilərə hər biri 420 dollardan olmaqla ümumilikdə 2 milyard dollarlıq səhmlərini satmağa icazə verilir.