Startup Battlefield-in ən diqqətçəkən layihələri

    Hər il TechCrunch tərəfindən keçirilən Startup Battlefield müsabiqəsi minlərlə startap müraciətini özünə cəlb edir. Bu müraciətlər arasından ən güclü 200 startap seçilir və onlardan 20-si əsas səhnədə qalib adı uğrunda mübarizə aparır. Qalib startap Startup Battlefield Cup və 100 min dollar pul mükafatı qazanır. Lakin finala çıxmayan digər 180 startap da öz sahələrində kifayət qədər iddialı olduqları üçün ayrıca kateqoriyalarda yarışırlar.

Aşağıda Startup Battlefield 200 siyahısına düşən və biotexnologiya ilə əczaçılıq sahəsini təmsil edən ən diqqətçəkən 9 startap təqdim olunur:

CasNx: Donor orqanlar üçün yeni nəsil antivirus müalicəsi hazırlayır. Niyə fərqlidir: CRISPR əsaslı gen redaktə dəsti ilə orqan saxlanılma mərhələsində virusları aradan qaldırır və “universal donor” markerləri əlavə edir.

Chipiron: Daha yüngül, ucuz və açıq tip tam bədən MRT cihazı hazırlayır. 

Exactics: Sürətli diaqnostik testlərin yaradılması üçün platforma qurur. Niyə fərqlidir: Ev şəraitində Lyme xəstəliyinin yoxlanması ilə başlayaraq, istehlakçı üçün əlçatan testlər hazırlayır.

Lumos: Qırmızı qan hüceyrələrinə təsir edən yüksək tezlikli elektromaqnit cihazı olan Avara istehsal edir. Niyə fərqlidir: Cihaz yuxu keyfiyyətinin, rahatlamanın və fiziki bərpanın yaxşılaşdırılması üçün qeyri-təmaslı “induktiv terapiya” təqdim edir.

Miraqules: Qan laxtalanmasını imitasiya edən nano-texnologiyalı toz hazırlayıb. Niyə fərqlidir: Ani qanaxma dayandırma imkanı yaradır və xüsusən təcili yardım şəraitində həyati əhəmiyyət daşıyır.

Nephrogen: Böyrək xəstəlikləri üçün gen terapiyası həlləri üzərində işləyir. Niyə fərqlidir: Süni intellektdən istifadə edərək gen redaktəsini birbaşa problemi yaradan böyrək hüceyrələrinə dəqiq yönəldir.

PraxisPro: Biotexnologiya və əczaçılıq sektorunda satış və marketinq üçün AI əsaslı təlim platforması yaradır. Niyə fərqlidir: "Compliance" təsdiqli simulyasiyalar və real vaxt analitikası təqdim edir.

Reme-D: Aşağı gəlirli və xidmətə çıxışı məhdud icmalar üçün diaqnostik testlər hazırlayır. Niyə fərqlidir: Testlər həm ucuzdur, həm də isti və rütubətli iqlim şəraitində stabil qalır.

Surgicure: Endotraxeal boruların (ET) daha təhlükəsiz bərkidilməsi üçün patentli həll hazırlayıb. Niyə fərqlidir: Cərrahi müdaxilə zamanı istifadə edilən ET borularının daha rahat və etibarlı olmasını təmin edir.