Tədqiqatçılar, üz quruluşuna sahib olmayan qeyri-adi balıq aşkar ediblər (VİDEO)
Digər
03.06.2017
Farid Pardashunas
Avstraliya ekspedisiyasının iştirakçıları, 4000 metr dərinlikdə qeyri-adi balıq aşkar ediblər.
Həmin balığın qeyri-adiliyi isə ondan ibarətdir ki, onun sifət
quruluşu yoxdur. Sözügedən balığın gözləri yoxdur. Onun burnu demək olar ki,
seçilmir və ağzı, gövdəsinin aşağı hissəsində yerləşir. Sifət quruluşuna sahib
olmayan balıq, Avstraliyanın Jervis adlı körfəzində 4000 metr dərinlikdə aşkar
edilib. Qeyd etmək lazımdır ki, bu balıq növü ikinci dəfədir ki, aşkar edilir.
Belə ki, ilk dəfə olaraq onu 150 il bundan öncə aşkar etmişdilər. Uzun müddət
hesab olunurdu ki, bu növün nəsli kəsilib. Ekspedisiyanın rəhbəri Tim O’Hara bidlirib
ki, balığın ağız hissəsi onun gövdəsinin aşağı hissəsində yerləşir və gözlərin
olmaması ilə yanaşı burun və qəlsəmələr çox çətinliklə seçilirlər. Bir sıra
bioloqların fikrincə əslində bu balıq, görmə orqanlarına və iy bilmə
duyğularına sahibdir. Sadəcə olaraq onlar balığın pullarının alt hissəsində
yerləşdiyi üçün onları görmək çox çətindir. Digərləri isə düşünürlər ki,
sözügedən balıq növü dənizin çox dərin hissələrində yaşadığı üçün o, gözlərə
sahib deyil. Avstraliya ekspedisiyası yalnız 2 həftə yarım davam edir. Lakin bu
müddət ərzində Investigator tədqiqat gəmisinin heyəti artıq bir çox qeyri-adi və
maraqlı dəniz canlılarını aşkar edib.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ