Varlı ailələrin uşaqlarının nəticədə ixtiraçı olmaq şansları 10 dəfə çoxdur

Varlı ailələrin uşaqlarının nəticədə ixtiraçı olmaq şansları 10 dəfə çoxdur

Digər
11.12.2017 PAYLAŞIM

Əgər kasıb ailələrin uşaqları varlı ailələrin uşaqlarının ilk başda sahib olduqları şəraitə sahib olsaydılar, ixtiraçıların sayı 4 dəfə çox olardı.

Bu barədə CNBC saytı xəbər verib. Gəlirləri orta səviyyədən aşağı olan ailələrdən fərqli olaraq varlı ailələrdə doğulan uşaqların ixtiraçı olmaq şansları 10 dəfə çoxdur. Bu barədə Stenford, Harvard, MTİ universitetlərinin və ABŞ-ın Maliyyə Nazirliyinin iqtisadiyyatçıları öz tədqiqatlarında bildiriblər. Məlum olub ki, demoqrafik qruplar arasında ixtiraçıların sayı baxımından tənasübsüzlük var və bu təkcə maliyyə tərəfdən qeyri-bərabərsizliyə aid deyil. Qaradərili uşaqlardan fərqli olaraq ağdərili uşaqların ixtiraçı olmaq ehtimalı 3 dəfə yüksəkdir. 40 yaşlı ixtiraçıların isə yalnız 18%-ni qadınlar təşkil edir. İndiki inkişaf tempi sayəsində gender bərabərliyinin əldə olunması üçün 118 il vaxt lazım olacaq.



Əgər qadınlar, qaradərili insanlar və kasıb ailələrin uşaqları varlı ailələrin uşaqlarının sahib olduqları ilkin şəraitə sahib olsaydılar, ixtiraçıların sayı 4 dəfə çox olardı. Lakin gələcəkdəki peşənin seçilməsinə ən böyük təsiri təbii ki, ətraf mühit göstərir. İxtiraçılar arasında yaşayan uşaqların çox hissəsi çox böyük ehtimalla texnoloji institutlara üz tutacaqlar. Yəni uşağın ailəsi və ətraf mühiti onun imkanlarının inkişafına ciddi təsir göstərir. “Amerika bir çox Eynşteynləri ona görə itirib ki, xüsusi imkanları olan uşaqların lazımi ailə şəraitləri olmayıb” – deyə Harvard Universitetinin tədqiqatçısı Alexander Bell bildirib. Bundan əlavə olaraq iqtisadiyyatçılar həmçinin 1.2 milyon ixtiraçının (1996-cı ildən 2014-cü ilə kimi patent sorğuları göndərmiş insanlar) məlumatlarını da incələyiblər. Nəticədə onlar öyrəniblər ki, ailə göstəricisi həmçinin uşağın gələcəkdə nə ixtira edəcəyinə də təsir göstərir.


Belə ki, Silikon Vadisində böyümüş insanlar çox zaman kompüter ilə əlaqəli cihazların hazırlanmasına üstünlük verirlər. Minneapolisdə böyümüş insanlar isə daha çox yüksək texnoloji tibbi cihazlara köklənir və nəticədə bu sahə üzrə patent sorğuları göndərirlər. Tədqiqatçılar düşünürlər ki, əgər həmin uşaqların ailələri digər şəhərə köçsəydilər, uşaqların ixtiraçı olmaq şansları 17% aşağı düşərdi. Heç şübhəsiz ətraf mühit çox vacib rol oynayır. Varlı ailələrin uşaqları müəyyən rayonlarda yaşayır, müəyyən məktəblərə gedir, daha sonra müəyyən universitetlərə daxil olaraq müəyyən yüksək maaşlı işdə çalışırlar. Bu effekti Stenford Universitetinin tədqiqatçıları təsdiq ediblər. Lakin bu effekt ixtiranın tərzinin, uşağın Silikon Vadisində və ya Minneapolisdə yaşamasındən asılı olmasını başa sala bilmir.


Həmçinin məktəb və universitetlərin uşaqları müəyyən tərz ixtiralara görə yönləndirməmələri də dəqiqdir. Tədqiqatçılar düşünürlər ki, bu halda əsas rolu uşağın ailəsi və dostları oynayır. Onlar öz nümunələri ilə uşağı ilhamlandıraraq gələcəkdə hansı sahədə yeni bir şeyin yaradılması üzrə peşənin seçilməsinə təsir göstərirlər. Beləliklə bu tədqiqat əsas suala cavab verir: Dövlət səviyyəsində elmə marağı necə artırmaq olar? Adətən hökumətlər bunun üçün texniki universitetlərin dövlət səviyyəsində maliyyələşdirilməsindən və vergi tutmalarından istifadə edirlər. ABŞ-ın aparıcı universitetlərinin alimlərinin fikrincə ən effektiv həll üsulu mentor proqramlarının inkişafına vəsait yatırmaqdır. Qaradərili insanlara, qızlara və kasıb ailələrin uşaqlarına ixtiraçılar ilə ünsiyyətdə olmaq və onların yanında təcrübə keçmək imkanını vermək lazımdır. Bu öz növbəsində bərabərsizliyin sürətli şəkildə aradan qaldırılmasına və innovasiyaların yüksək səviyyədə inkişafına gətirib çıxaracaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Azercell jurnalistləri Milli Mətbuatın 145-illiyi münasibətilə təbrik edir!..

Məlumatın, xəbərin son dərəcə əhəmiyyətli olduğu ən həssas zamanlarda məhz şücaətli jurnalistlər öz ..


ABŞ-da Google şirkəti məhkəməyə verildi: Səbəb nədir?

ABŞ-da Google şirkəti Android əməliyyat sistemi səbəbilə məhkəməyə verildi.


Alimlər tarixdə ilk dəfə yeni planetin yaranma prosesini müşahidə ediblər (VİDEO..

Hal hazırda olan aktual elmi nöqteyi nəzərdən kainatın yaranması Böyük Partlayış ilə başlayıb. Lakin..


Əsrin sonuna gözlənilən iqlim dəyişikliyi artıq bütün qitələrdə başlayıb..

Güman olunurdu ki, tropik və subtropik regionlarda təyin olunacaq isti və nəm iqlim şəraiti planetin..


Astronomlar Yer kürəsinə ən yaxın olan qara dəliyi aşkar ediblər

Avropa cənub rəsədxanasının (ESO) astronomlarının rəhbərliyi altında olan tədqiqat qrupu kosmik miqy..


'Pandemiya hal hazırki dünya iqtisadiyyatına son qoyacaq və onu tanınmaz hala sa..

İqtisadi böhranlar baş verən zaman onların nəticələri bir neçə ildən sonra heç gözlənilməz istiqamət..

×