HyperOS ilə MIUI arasındakı müqayisə videosu təqdim edilib (VİDEO)

Əməliyyat sistemləri

20.10.2023

Emil

TechDroider adlı Youtube kanalında Xiaomi-nin HyperOS adlı yeni istifdadəçi interfeysi ilə ənənəvi MIUI interfeysi arasındakı müqayisə videosu ortaya çıxıb. Məlum olub ki, HyperOS faktiki olaraq MIUI-yə bənzəyir. Lakin bununla belə yeni istifadəçi interfeysində bəzi iOS elementləri də mövcuddur. Videonun müəllifi bildirib ki, o, HyperOS tətbiqləri ilə launcher-i sadəcə olaraq özünün Xiaomi 13 smartfonuna quraşdırıb. Yəni başqa sözlə desək, müqayisədə istifadə edilmiş HyperOS texniki nöqteyi nəzərdən tam istifadəçi interfeysi olmayıb.

Lakin videoya əsasən demək olar ki, yeni istifadəçi interfeysi olduqca stabil çalışıb. HyperOS şirkətin MIUI 14 istifadəçi interfeysinə çox bənzəyir. Bununla belə yeni istifadəçi interfeysi özündə bəzi yenilikləri birləşdirir. Məsələn HyperOS çərçivəsində smartfonun bloklanmış ekranında iOS-də olduğu kimi daha çox fərdiləşdirmə (customization) ayarları mövcuddur. Tərtibatçılar HyperOS çərçivəsində həmçinin kamera tətbiqini də təkmilləşdiriblər. HyperOS-i ilk əldə edəcək smartfonlar Xiaomi 14 və Xiaomi 14 Pro olmalıdırlar. Sözügedən smartfonların isə bu ayın sonunda təqdim ediləcəyi gözlənilir.

Paylaş

Bənzər xəbərlər