Windows 11-in beta test versiyasının istifadəçilərindən biri əməliyyat sisteminə əlavə ediləcək daha bir yeniliyi aşkar edib. Həmin yenilik heç də istifadəçiləri sevindirməyəcək. Məlum olub ki, Microsoft öz məhsullarının reklam elanlarını təkcə Start düyməsinə deyil, əməliyyat sisteminin ayarlar menyusuna da əlavə etməyi hədəfləyib. Təqdim edilmiş screenshot fotolara əsasən şirkət Microsoft 365 paketi ilə bağlı olan reklamları əməliyyat sisteminin ayarlar menyusuna əlavə edib. Reklam bannerlərini ayarlardakı “Home” və “Accounts” bölməsində görmək olar. Həmin reklam elanlarının stabil Windows 11-ə nə zaman əlavə ediləcəyi bilinmir.