Microsoft Windows 11 üçün yenilənmiş File Explorer tətbiqini sərgiləyib

    Microsoft Windows 11-də istifadəyə veriləcək yenilənmiş File Explorer tətbiqini sərgiləyib. Yenilənmiş tətbiqdə alətlər paneli, qovluqlar və tətbiqin digər elementləri yeni dizaynla tərtib olunublar. Yenilənmiş File Explorer özünün əsas xüsusiyyətlərini qoruyub saxlasa da onun daxilindəki elementlər bir qədər fərqli görünürlər. Məsələn müəyyən əməliyyatların yerinə yetirilməsi üçün nəzərdə tutulmuş düymələr ünvan sətrinin alt hissəsinə yerləşdirilib. Redizayndan əlavə olaraq yenilənmiş File Explorer kənar tətbiqləri işə salmadan rahat şəkildə fotolara baxmaq imkanını verəcək. Əlavə olaraq tətbiqdəki axtarış vasitəsilə yalnız kompüterin yaddaşında mövcud olan fotoları axtarmaq mümkün olacaq.