Reklam
Microsoft Windows 8-in təkmilləşdirilmiş versiyasının dəstəyini dayandırmağa hazırlaşır

Microsoft Windows 8-in təkmilləşdirilmiş versiyasının dəstəyini dayandırmağa hazırlaşır

Əməliyyat sistemləri
27.06.2022 PAYLAŞIM

    Microsoft şirkəti Windows 8.1 istifadəçilərinə sözügedən əməliyyat sisteminin dəstəyinin 10 yanvar 2023-cü il tarixində dayandırılacağı barəsində bildirişi göndərməyə hazırlaşır. Həmin bildirişin istifadəçilərə artıq gələn ay göndəriləcəyi gözlənilir. Beləliklə göndəriləcək bildiriş Windows 8.1-in dəstəyinin dayandırılacağına dair ilk xəbərdarlıq olacaq. Qeyd etmək lazımdır ki, Microsoft Windows 8-in dəstəyini hələ 2016-cı ildə dayandırmışdı. Lakin onun təkmilləşdirilmiş versiyası olan Windows 8.1-in dəstəyi yalnız 2023-cü ilin yanvar ayında dayandırılacaq.


    Bununla belə biznes üçün Extended Security Update yenilənməsi hətta ödənişli şəkildə də mümkün olmayacaq. Beləliklə ya yeni əməliyyat sisteminə keçid etmək ya da təhlükəsizlik baxımından bütün riskləri gözə alıb Windows 8.1-dən istifadəni davam etdirmək lazım gələcək. İlk növbədə sensorlu ekrana sahib cihazların istifadəçiləri üçün nəzərdə tutulmuş Windows 8.1-in istifadəyə verilməsindən müəyyən müddət sonra Microsoft bu əməliyyat sisteminə Start düyməsini və bir sıra ənənəvi funksiyaları geri qaytarmalı oldu. 2015-ci ildə Microsoft Windows 10-u istifadəyə verdi və əməliyyat sisteminin 8-ci seriyası öz məntiqi sonluğuna irəliləməyə başladı.

    Microsoft-un sözlərinə əsasən Windows 8 və Windows 8.1 istifadəçilərinin çoxunun cihazları Windows 11-i dəstəkləmirlər. Buna görə də onlara alternativ olaraq Windows 10-a keçid etmək məsləhət görülür. Windows 10-un dəstəyi isə 14 oktyabr 2025-ci il tarixinə imi davam edəcək. Təbii ki, 10 yanvar 2023-cü ildən sonra Windows 8.1-in fəaliyyəti tamamilə dayandırılmayacaq. O, əvvəlki kimi çalışmağa davam edəcək. Lakin Microsoft şirkəti tərəfindən daimi yenilənmələrin artıq təqdim edilməməsi səbəbəilə sözügedən əməliyyat sistemi lazımi səviyyədə təhlükəsizliyi təmin edə bilməyəcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Microsoft Defender antivirus tətbiqi yeni faydalı funksiyanı əldə edib

Microsoft şirkəti Windows 11 üçün növbəti yenilənmənin təqdim edildiyini elan edib.


Niderlandın təhsil müəssisələrində Chrome brauzeri ilə ChromeOS ƏS-nə məhdudiyyə..

Niderlandın Təhsil, Mədəniyyət və Elm Nazirliyi Chrome brauzerinin və ChromeOS əməliyyat sisteminin ..


Samsung smartfonlarında bütün özəl məlumatları gizlətməyə imkan verəcək funksiya..

Telefonun təmirə verilməsi hər zaman konfidensial məlumatların ortaya çıxması riski ilə müşaiyət edi..


iOS 16-da Always on Display funksiyası bir qədər fərqli şəkildə çalışacaq..

9to5mac saytının jurnalistləri iPhone-larda çoxdan gözlənilən Always on Display funksiyasının sonund..


Huawei HarmonyOS 3 əməliyyat sistemini təqdim edib

Huawei rəsmi şəkildə HarmonyOS 3.0 əməliyyat sistemini təqdim edib.


MIUI 14-ün screenshot fotoları ortaya çıxıb

Xiaomi, Redmi və POCO smartfonları üçün nəzərdə tutulmuş MIUI 14 istifadəçi interfeysinin screenshot..

×