Microsoft yenidən Windows 11-in interfeysinə reklam inteqrasiya edib
Proqram Təminatı
Əməliyyat sistemləri
08.11.2022
Farid Pardashunas
Microsoft istifadəçilərin Windows 11 ilə qarşılıqlı əlaqələrini daha da yaxşılaşdırmaq üçün daimi şəkildə əməliyyat sisteminin təkmilləşdirilməsi ilə məşğul olur. Lakin bəzən əməliyyat sistemi üçün təqdim edilən yeniliklər istifadəçilərdə qıcıq yaradır. Bir neçə müddət bundan öncə Twitter istifadəçilərindən biri aşkar etmişdi ki, şirkət yenidən öz əməliyyat sisteminin interfeysinə reklam inteqrasiyasını reallaşdırıb. Reklam inteqrasiyasını reallaşdırmaq üçün isə şirkət əməliyyat sistemində ən gözlənilməz bölməni seçib.
Söhbət, kompüterin söndürülmə menyusundan gedir. Təqdim edilmiş screenshot fotolardan da görmək olar ki, sözügedən menyuda artıq mövcud olan standart düymələrdən əlavə olaraq “Sign up for Microsoft Account” düyməsi mövcuddur. Sözügedən düymə Microsoft hesabına daxil olmağı, hesabdakı ayarlamaları sonlandırmağı və ya OneDrive-a daxil olmağı təklif edir. Bu yeniliyi Twitter istifadəçisi əməliyyat sisteminin yenilənməsindən sonra aşkar edib. Windows 11-in stabil verisyasında “Sign up for Microsoft Account” düyməsi hələ mövcud deyil.
Linki kopyala
Bənzər xəbərlər
Oxşar xəbərlər
Həftənin xəbərləri
Windows XP-ni nəyə görə 2024-cü ildə istifadə etmək lazım deyil? (VİDEO)
iOS 18-də olacaq bəzi yeni funksiyalar açıqlanıb