Windows 11-ə Vista-nın faydalı funksiyası inteqrasiya edilə bilər

    İnsayderlərin verdikləri məlumata əsasən Microsoft şirkəti Windows 11-in iş masasına kənar şirkətlərin vidjetlərini geri qaytarmağı planlaşdırır. Qeyd etmək lazımdır ki, hal hazırda Windows 11-də vidjetlər yalnız Microsoft-a məxsus olan kontentləri sərgiləyirlər. Məsələn yeni vidjetlər Whatsapp və ya Telegram-dakı bildirişləri, xəbərləri, RSS kanalları və digər kontentləri sərgiləyə bilərlər. Bundan əlavə olaraq kənar şirkətlərin vidjetlərini ekranın sağ hissəsinə bərkitmək mümkün olacaq. Məlumata əsasən tərtibatçıların vidjetləri öz tətbiqlərinə inteqrasiya etmələri üçün Microsoft artıq onlarla danışıqlar aparır. Bu yeni funksiya növbəti Windows yenilənməsində istifadəyə verilə bilər. Gözləntilərə əsasən kənar şirkətlərin vidjetləri artıq Taskbar bölməsində olan vidjetləri xatırladacaqlar.