ABŞ-ın Milli Təhlükəsizlik Agentliyi Danimarka vasitəsilə avropalı siyasətçiləri izləyibmiş

ABŞ-ın Milli Təhlükəsizlik Agentliyi Danimarka vasitəsilə avropalı siyasətçiləri izləyibmiş

Kibertəhlükəsizlik
01.06.2021 PAYLAŞIM

    Danimarkanın Xarici Kəşfiyyat Xidməti ABŞ-ın Milli Təhlükəsizlik Agentliyinə (MTA) vacib telekommunikasiya qovşağından istifadə etməyə imkan yaradıbmış. MTA isə bundan istifadə edərək avropalı siyasətçilərin ünsiyyətlərini izləyib. Bu barədə xəbəri Avropada fəaliyyət göstərən bir sıra informasiya agentliyi verib. Məlumatda qeyd olunub ki, bu kibercasusluq əməliyyatı “Operation Dunhammer” adını əldə edibmiş və o, 2012-ci ildən 2014-cü ilə kimi aktiv olub. Əməliyyatın uğurlu funksionallığı üçün Danimarka ilə ABŞ-ın xüsusi dövlət orqanları öz aralarında razılaşma əldə ediblər. Nəticədə ABŞ tərəfi Kopenhagenə yaxın olan Dragör adlı şəhərdə yerləşən telekommunikasiya qovşağına XKeyscore adlı sistemi inteqrasiya edib.


    Qeyd etmək lazımdır ki, məhz Dragör şəhərində olan bəzi sualtı kabellər Danimarka ilə Skandinaviya adalarını birləşdirirlər. Avropadan olan informasiya agentliklərinin verdikləri məlumata əsasən ABŞ tərəfi XKeyscore sistemini mobil və internet trafikinin irimiqyaslı izlənməsində istifadə edib. Nəticədə Vaşinqton avropalı siyasətçilərin elektron məktublarını, zənglərini, SMS mesajlarını və çatlarda olmuş yazışmalarını əldə etməyi bacarıb. Maraqlısı ondadır ki, Edward Snowden-in iştirakı ilə baş vermiş qalmaqaldan sonra Danimarka hökuməti ABŞ ilə bu məsələdə razılaşmanı ləğv etməyi qərara alıb.

    Bununla yanaşı aşkar edilmişdi ki, ABŞ-ın xüsusi xidmət orqanları həmçinin danimarkalı siyasətçiləri də izləyirmiş. Bu məsələ ilə bağlı məlumatlar keçən həftənin sonunda ortaya çıxıb. Belə ki, danimarkalı televiziya aparıcılarından biri “Dunhammer Report” adlı sənədi əldə edə bilib. Həmin sənəddə isə Danimarka hökumətinin istintaq nəticələri barəsində məlumatlar əks olunub. Amerikalı və danimarkalı siyasətçilər bu mövzuya fikir bildirməkdən imtina edirlər. Lakin buna baxmayaraq Edward Snowden bir neçə gün bundan öncə Vaşinqton ilə Kopenhagen-nin birgə əməliyyat keçirtmiş olduqları məlumatlarını təsdiqləmişdi.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Hackerlər saxta birja vasitəsilə istifadəçilərin bitcoinlərini oğurlayırlar..

Hackerlər kriptovalyuta sahiblərinin aldadılması yolunda yeni üsullar fikirləşməkdə davam edirlər...


Whatsapp istifadəçilərinin şəxsi mesajları kənar şirkət tərəfindən oxunulur..

ProPublica adlı qeyri kommersiya təşkilatının apardığı irimiqyaslı araşdırma nəticəsində Whatsapp-ın..


Kimliyi bilinməyən hacker videokartlar üçün 'görünməyən' virus yaradıb

Keçən ayın sonunda kimliyi bilinməyən hacker kompüterlərin hack olunması üçün nəzərdə tutulmuş yeni ..


Microsoft Azure bulud servisindəki ciddi sistem boşluğundan xəbər verib

Microsoft şirkəti bildirib ki, Azure bulud servisində olmuş sistem boşluğu səbəbilə son 2 il ərzində..


İstifadəçilərin pullarını oğurlayan Joker troyanına sahib yeni Android tətbiqlər..

Google Play-də silinmiş saxta tətbiqlərə baxmayaraq mütəxəssislər bu platforma vasitəsilə yayılmış ə..


Özünü Apple əməkdaşı kimi təqdim etmiş hacker iCloud hesablardan 620.000 foto və..

Los Ancelesin La Puent şəhərində yaşayan Hao Kuo Chi adlı 40 yaşlı şəxs minlərlə iCloud hesabını hac..

×