Kibertəhlükəsizlik tədqiqatçıları, bütün Android telefon sahiblərini təhdid edən yeni bir troya atı kəşf ediblər. Bir neçə il əvvəl ortaya çıxan "Cerberus" troya atının yeni bir versiyası olan bu zərərli proqram, istifadəçilərin bank hesablarını ələ keçirmək üçün istifadə edilir. Cyble Research adlı kibertəhlükəsizlik şirkəti tərəfindən aşkar edilən troya atı, istifadəçilərin ekran toxunuşlarını qeydə alır. Bu yolla bank tətbiqinizə daxil etdiyiniz şifrə birbaşa kibercinayətkarların əlinə keçir. Ancaq Cerberus-un bu yeni versiyası bununla kifayətlənmir. Hücumçular, troya atını gerçək kimi görünən saxta tətbiqlərə də inteqrasiya ediblər.

     Düzünü desək, ilk dəfə 2019-cu ildə adını eşitdiyimiz Cerberus-un yenilənmiş versiyası ilə yenidən ortaya çıxması, kibercinayətkarların dayandırıla bilməyəcəyini açıq şəkildə göstərir. Ancaq bu cür hücumlardan qorunmağın olduqca sadə yolları var. Bunlardan birincisi, mənbəyini bilmədiyiniz tətbiqləri telefonunuza yükləməməkdir. Əgər Android cihazınız varsa, Google Play Store xaricindən tətbiq yükləməkdən çəkinin.

     Hücumdan qorunmağın digər bir yolu isə saxta saytlardan uzaq durmaqdır. Bu çərçivədə, xüsusilə də bankçılıq sektoru üzərindən sizi aldatmağa çalışa bilərlər. Bəzi hücumçular kampaniyalar, bəziləri isə faizsiz kredit kimi nağd ehtiyacınızı qarşılayacaq həllər təklif edə bilərlər. Belə bir şeylə qarşılaşsanız, həmin saytlara daxil olmayın. İstifadəçi adınızı və şifrənizi həmin saytlara qətiyyən verməyin.