Deepfake texnologiyasının inkişafı ilə indi nəyin real, nəyin saxta olduğunu anlamaqda çətinlik çəkirik. Bu vəziyyət də dələduzluq hallarının artmasına səbəb olur. Fırıldaqçılar saxta video, zəng və ya görüntülərlə insanların pulunu oğurlamağa çalışırlar. Onlara inananların sayı isə kifayət qədər çoxdur.

     Cənubi Koreyada baş verən bir hadisə bunun ən sadə nümunəsidir. Adını açıqlamayan qadın özünü Elon Musk kimi təqdim edən fırıldaqçının onun 50 min dollarını oğurladığını bildirib. Bu barədə insanları xəbərdar etmək üçün televiziyaya çıxan qadın Elon Musk-ın böyük pərəstişkarı olduğunu deyib. İnsanı təəccübləndirən bu hadisə ilk olaraq Instagram-da başlayıb. Musk olduğunu iddia edən biri şəxs qadına sorğu göndərib.

     Qadın deyir ki, əvvəlcə hadisəyə şübhə ilə yanaşsa da, hesab onu inandıra bilib. Fırıldaqçı ona Musk-ın iş yerindən görüntülər göndərib, Tesla və SpaceX-də işlərin necə getdiyindən və uşaqları ilə münasibətlərindən danışıb. O, hətta milyarder iş adamının şəxsiyyət vəsiqəsinin fotosunu da göndərdiyini deyib. Zərərçəkmişin sözlərinə görə, onların münasibətləri zamanla "romantik" hala çevrilməyə başlayıb. Buna görə də, saxta Elon Musk, qadına hətta "Səni sevirəm" sözlərini belə deyib. Qadının tam etibarını qazandığı an video zəng zamanı olub. Fırıldaqçı bu görüşdə Musk-ın deepfake görüntülərindən də istifadə edib. Təbii ki, onun əsl planı bundan sonra başlayıb. O, pərəstişkarlarını zənginləşdirmək üçün qadına saxta investisiya fürsəti təklif edib. Bundan sonra onunla bank hesabını paylaşır və 50 min dollar göndərməyə razı salır. Təəssüf ki, qadın da ona inanaraq pulu göndərib.