ChatGPT-dən istifadə edən kibercinayətkarın və dələduzların sayı artıb
Təhlükəsizlik
05.12.2024
Emil
Günümüzdə ChatGPT ən güclü süni zəka alətlərindən biri hesab edilir. Bu süni zəka əsaslı çat-bot insanın gündəlik fəaliyyətində müxtəlif sahələrlə bağlı fayda verə bilir. Lakin məlum olub ki, ChatGPT üstəlik internetin qaranlıq tərəfində də aktiv şəkildə istifadə edilir. Moonlock Lab adlı şirkətin İT mütəxəssislərinin təqdim etmiş olduqları hesabata əsasən ChatGPT son zamanlarda kibercinayətkarlar və dələduzlar arasında çox məşhur olur. Onlar bu süni zəka sistemini zərərli proqram təminatının tərtib olunmasında istifadə edirlər. Daha sonra isə tərtib edilmiş zərərli proqram təminatı kompüterlərə edilən kiberhücumlarda istifadə edilir.
Bir qayda olaraq bu cür proqram təminatının hazırlanması üçün geniş biliklərə və uzunmüddətli təcrübəyə sahib olmaq lazımdır. Lakin ChatGPT kimi süni zəka sistemlərinin istifadəyə verilməsi sayəsində bu cür proqram təminatını hazırlamaq bir neçə saat vaxt aparır. Mütəxəssislər daha bir tendensiyanı da qeyd ediblər. Belə ki, zərərli proqram təminatının hazırlanması xidmətinin qiyməti sürətlə aşağı düşüb. Daha əvvəllər bu cür xidmətin qiyməti on minlərlə dollar təşkil edirdisə, indi internetin qaranlıq tərəfində 1500$-a belə xidmətdən yararlanmaq mümkündür. Səbəb isə rəqabətdədir. Süni zəka sistemlərinin istifadəyə verilməsi ilə günümüzdə belə xidməti demək olar istənilən şəxs təklif edə bilər.
Paylaş
Bənzər xəbərlər
Proqram Təminatı
ChatGPT-də reklam elanları sərgilənə bilər
The Financial Times saytının vermiş olduğu məlumata əsasən OpenAI şirkəti ChatGPT çat-botuna reklam elanlarını inteqrasiya edə bilər.
Təhlükəsizlik
La Casa de Papel reala çevrildi: Bir ölkənin Mərkəzi Bankı hakerlər tərəfindən qarət edildi!
Uganda Mərkəzi Bankına kiber hücum təşkil edən hakerlər 16.8 milyon dollarlıq oğurluq həyata keçiriblər. Uganda polisi hadisənin araşdırılması üçün istintaq başladıb.
Təhlükəsizlik
Şimali Koreyalı hakerlər saxta şəxsiyyət vəsiqələrindən istifadə edərək milyardlarla kriptovalyuta oğurlayıblar!
Şimali Koreyalı hakerlər saxta şəxsiyyət vəsiqələrilə iri şirkətlərə sızaraq milyardlarla dollarlıq kriptovalyuta oğurlayıb və beynəlxalq təhlükəsizliyi təhdid ediblər.
Süni İntellekt
ChatGPT xəstəlik diaqnozunda həkimlərə meydan oxuyur!
Bu yaxınlarda aparılan təcrübə ChatGPT AI botunun xəstəliklərin diaqnostikasında həkimləri qabaqladığını ortaya qoyub.
Təhlükəsizlik
WhatsApp-dan göndərilən toy dəvətnamələrinə diqqət edin: Telefonunuz ələ keçirilə bilər!
WhatsApp vasitəsilə toy dəvətnamələrinin göndərilməsi geniş yayılıb. Lakin hakerlər bu vəziyyətdən faydalanaraq xüsusi dəvətnamələr vasitəsilə telefonları ələ keçirməyə başlayıblar. Tanımadığınız şəxslərdən gələn heç bir faylı açmayın!
Ən çox oxunanlar
Splus.az - Azərbaycanın Əmlak Bazarında Yeni Bir Nəfəs!
