Reklam
Facebook-un 16.000 əməkdaşı istifadəçilərin konfidensial məlumatlarından sui-istifadə edib

Facebook-un 16.000 əməkdaşı istifadəçilərin konfidensial məlumatlarından sui-istifadə edib

Kibertəhlükəsizlik
19.07.2021 PAYLAŞIM

    2014-2015-ci illərdə Facebook-un 16.000 əməkdaşı istifadəçilərin özəl məlumatlarını əldə edə biliblərmiş. Onlardan 52 nəfəri işdən azad edilib. Belə ki, həmin işçilər istifadəçilərin məlumatlarından öz maraqlarında istifadə ediblər. Bu barədə məlumat “An Ugly Truth: Inside Facebook’s Battle for Domination” adlı kitabda əks olunub. Sözügedən kitab New York Times nəşriyyatının jurnalistləri olan Sheera Frenkel Cecilia Kang tərəfindən yazılıb. Onlar bu kitabdakı məlumatları Facebook daxilindəki mənbələrinə istinadən təqdim ediblər. Məsələn, kitabda Facebook-un mühəndislərindən biri haqqında maraqlı məlumat qeyd edilib. Belə ki, həmin mühəndis istifadəçi məlumatlarından istifadə edərək öz sevgilisini Avropada istirahət zamanı tapıb.

    Digər Facebook işçisi isə bir qadınla görüşüb və həmin qadın görüşdən sonra onun mesajlarına cavab verməyib. Nəticədə həmin şəxs özəl məlumatlardan istifadə edərək qadının messencerdəki illərlə olan mesajlarını oxuya, silinmiş və gizli olan foto və yazılara baxa bilib. Qadının öz smartfonuna quraşdırmış olduğu Facebook tətbiqi vasitəsilə isə Facebook işçisi qadının yerləşdiyi yeri təyin edə bilib. Facebook öz işçilərinə istifadəçilərin özəl məlumatlarına keçid etmələri imkanını ona görə verib ki, o, mühəndislərin işlərini yavaşladan bürokratiyadan azad olmaq istəyib. Kiabın müəllifləri qeyd ediblər ki, istifadəçilərin özəl məlumatlarını əldə etmiş əməkdaşların çoxu kişi idi və onlar öz maraqlarına daxil olan qadınların hesablarını izləyirdilər.


    Müəlliflərin sözlərinə əsasən Mark Zuckerberg 2015-ci ildə bu problemdən xəbər tutmuşdu. Belə ki, şirkətin təhlükəsizliyi üzrə baş mütəxəssisi Alex Stamos öz hesabatında bu problemləri qeyd etmişdi və bildirmişdi ki, mühəndislər hər ay istifadəçi hesablarının konfidensial məlumatlarından sui-istifadə edirlər. Stamos öz növbəsində həmin məlumatları əldə edə bilən əməkdaşların sayını 5000-ə, şifrələr kimi daha konfidensial məlumatları əldə edə bilən əməkdaşların sayını isə 100-ə endirməyi təklif etmişdi. O həmçinin istifadəçilərin konfidensial məlumatlarını əldə etmək üçün rəsmi sorğu sisteminin işə salınmasını da təklif etmişdi. Lakin Facebook rəhbərliyi bu təklifi rədd etmişdi. Stamos 1 il ərzində bu problemin digər həll yolunu tapmalı idi. Facebook öz növbəsində qeyd edib ki, istifadəçilərin konfidensial məlumatlarından sui-istifadə etmiş əməkdaşlar işdən azad ediliblər. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Lazımi sistem boşluğunu tapmaq üçün orta statistik hackerə 10 saatdan az vaxt la..

Bu prosesi daha sürətli şəkildə bulud sistemlərinin təhlükəsizliklərini test edən mütəxəssislər real..


Google öz istifadəçilərini şəxsi məlumatların internetdə ortaya çıxdıqları barəs..

Gələn ilin əvvəlindən başlayaraq Google şirkəti öz istifadəçilərinin konfidensial məlumatlarının int..


Whatsapp-da Android və iOS smartfonlarını hack etməyə imkan verən sistem boşluğu..

Whatsapp-ın rəsmi saytında CVE-2022-36934 identifikatorlu sistem boşluğu barəsində məlumat ortaya çı..


Google Play ilə App Store-da reklam elanları ilə bağlı çoxlu sayda zərərli tətbi..

HUMAN Security adlı şirkətin Satori Threat Intelligence komandasının kibertəhlükəsizlik üzrə mütəxəs..


İstifadəçilər özləri də bilmədən login və şifrələrini Google və Microsoft ilə bö..

Kibertəhlükəsizlik sahəsində fəaliyyət göstərən Otto-JS adlı şirkətin mütəxəssisləri aşkar ediblər k..


Veb kamera vasitəsilə eynəkdə əks olunan ekran mətnini oxumaq mümkündür

Alimlər aparmış olduqları tədqiqat barəsində ətraflı məlumatı “Private Eye: On the Limits of Textual..

×